کوئٹہ: نازیبا ویڈیوز اسکینڈل میں ایک اور متاثرہ لڑکی سامنے آگئی، پولیس خاتون کی شکایت پر تیسرے ملزم کی گرفتاری کیلئے کوشاں ہے جبکہ دونوں لڑکیوں کی ماں کی شکایت پر ایف آئی آردرج کرلی۔
تفصیلات کے مطابق کوئٹہ میں لڑکیوں کی نازیبا ویڈیواسکینڈل پر پولیس نے اپنے بیان میں کہا ہے کہ دونوں لڑکیوں کی ماں کی شکایت پر ایف آئی آردرج کرلی، حالیہ وائرل ویڈیو سے پہلے ایف آئی آر اور گرفتاری ہوئی ہے۔
ایس ایس پی عبدالحق عمرانی کا کہنا تھا کہ پولیس اپنا کام کررہی ہے، فرانزک رپورٹ کے آنے کا انتظارہے، ایک اور خاتون کی شکایت پر تیسرے ملزم کی گرفتاری کیلئے چھاپے جاری ہے۔
عبدالحق عمرانی نے بتایا ہے کہ ملزمان پراغوا،ویمن پروٹیکشن بل،اینٹی ریپ کی دفعات شامل ہیں۔
دوسری جانب ویڈیو اسکینڈل کے معاملے پر وزیراعلیٰ بلوچستان قدوس بزنجو نے کیس میں تیزی لانے کی ہدایت جاری کرتے ہوئے کہا ہے کہ مغوی خواتین کی بازیابی،ملزم کی گرفتاری کویقینی بنایاجائے۔
وزیراعلیٰ قدوس بزنجو کا کہنا تھا کہ پولیس تمام دستیاب وسائل بروئے کار لائے ، ماؤں بہنوں کی آبروسےکھیلنےوالےکسی معافی کے مستحق نہیں۔
وزیراعلیٰ بلوچستان نے مزید کہا ہے کہ خواتین کی بازیابی کےلئے افغان حکام سےرابطےمیں ہیں، متاثرہ خاندان مطمئن رہیں اب یہ ہماری جنگ ہے۔
