انقرہ : وزیر خارجہ شاہ محمود قریشی نے فلسطینی وزیر خارجہ کو شرٹ کا تحفہ پیش کیا ، جس پر ’’اے ارض فلسطین میں بھی حاضر ہوں ‘‘تحریر تھا۔
تفصیلات کے مطابق وزیر خارجہ شاہ محمود قریشی کی ترکی میں انطالیہ ڈپلومیسی فورم پر فلسطینی وزیر خارجہ ریاض المالکی سے ملاقات ہوئی ، ملاقات میں دوطرفہ تعلقات اور خطےکی صورتحال ،باہمی دلچسپی کے امور پر گفتگو کی گئی۔
فلسطینی وزیر خارجہ ریاض المالکی نےامن و امان کی صورتحال سے آگاہ کیا،جس پر شاہ محمود قریشی نے کہا فلسطین کاقضیہ مشرق وسطی میں بےچینی کی بنیادی وجہ ہے، پاکستان یواین قراردادوں پرمسئلہ فلسطین کےحل کاحامی ہے، پاکستان، فلسطینی عوام کےحق خود ارادیت کی حمایت کرتا ہے۔
Following emergency session of #UNGA75 last month, good to meet brother FM Dr. Riyad Al Maliki again. I reaffirmed Pakistan’s unwavering support for Palestine; for the realization of the right to self determination & all other fundamental rights of the people of Palestine. 🇵🇰 🇵🇸 pic.twitter.com/NwgiRE8DDs
— Shah Mahmood Qureshi (@SMQureshiPTI) June 18, 2021
وزیر خارجہ نے فلسطینی ہم منصب کو پاکستان کی سفارتی کاوشوں اور فلسطین کے مسئلے پر او آئی سی سمیت عرب لیگ کی کاوشوں کو سراہتے ہوئے وزیراعظم عمران خان ،پاکستانی قیادت ،عوام کی جانب سے فلسطینی قیادت کیساتھ اظہاریکجہتی کیا۔
وزیر خارجہ نے شرٹ کا تحفہ فلسطینی وزیر خارجہ کو پیش کیا ، شرٹ پر ’’اے ارض فلسطین میں بھی حاضر ہوں ‘‘تحریر ہے ، جس پر فلسطینی وزیر خارجہ نے پاکستان کی قیادت ،وزیر خارجہ شاہ محمود قریشی کا شکریہ ادا کیا۔
فلسطینی وزیر خارجہ نے شاہ محمود قریشی کی دورہ پاکستان کی دعوت بھی قبول کرلی۔
