site
stats
پاکستان

ربیع الاول کا چاند نظر آگیا، عید میلادالنبی 12 دسمبر کو ہوگی

اسلام آباد: پاکستان میں ربیع الاول کا چاند نظر آگیا یکم ربیع الاول کل بروز جمعرات جب کہ عید میلادالنبیؐ 12 دسمبر کو منائی جائے گی۔

ربیع الاول کا چاند دیکھنے کے لیے چیئرمین مرکزی رویت ہلال کمیٹی مفتی منیب الرحمان کی زیر صدارت اجلاس آج اسلام آباد میں ہوا جس میں رویت ہلال کمیٹی کے معزز علما کرام اور محکمہ اسپارکو کے افسران نے شرکت کی۔

ذرائع کے مطابق بلوچستان اور سندھ کی ذیلی رویت ہلال کمیٹی کی جانب سے ربیع الاول کا چاند نظر آنے کی شہادتیں موصول ہوئیں۔

موصول ہونے والی شہادتوں کی تصدیق کے بعد چیئرمین رویت ہلال کمیٹی مفتی منیب الرحمان نے بذریعہ پریس کانفرنس ملک میں ربیع الاول کا چاند نظر آنے کا اعلان کرتے ہوئے کہا کہ ملک بھر میں یکم ربیع الاول کل بروز جمعرات ہوگی جب کہ عید میلاد النبیؐ 12 دسمبر بروز پیر ہوگی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top