قربانی کے لیے بکرا تو مل گیا مگر قصائی نہیں ملا، گلوکارہ رابی پیرزادہ rabi pirzada
The news is by your side.

Advertisement

قربانی کے لیے بکرا تو مل گیا مگر قصائی نہیں ملا، گلوکارہ رابی پیرزادہ

لاہور: گلوکارہ رابی پیرزادہ نے کہا ہے کہ قربانی کے لیے بکرا تو مل گیا مگر قصائی نہیں ملا، ایسا لگتا ہے کہ اصل اسٹار تو قصائی بن گئے ہیں۔

تفصیلات کے مطابق دنیا بھر کی طرح ملکی شوبز حلقوں میں عید الاضحیٰ انتہائی جوش اور جذبے کے ساتھ منائی جارہی ہے، معروف گلوکارہ رابی پیرزادہ بھی قربانی کے لیے بکرا تو لے آئیں ہیں لیکن انہیں قصائی نہیں مل سکا۔

قربانی کے لیے قصائی نہ ملنے پر گلوکارہ رابی پیرزادہ نے کہا کہ ایسا لگتا ہے اصل اسٹار تو قصائی ہیں، لڑکیوں کو بھی یہ کام سیکھ لینا چاہئے۔

گلوکارہ کا کہنا تھا کہ چلیں آج نہیں کل قربانی ہوجائے گی، بکرے کی اور خدمت کا موقع مل گیا ہے۔

معروف اداکارہ ریشم نے ہر سال کی طرح بیل اور بکروں کی قربانی کی، اداکارہ نے قربانی کی جانوروں کی کھالیں سپریم کورٹ ڈیم فنڈ میں عطیہ کرنے کا اعلان کیا ہے جبکہ عید کے بعد وہ ڈیم فنڈ میں رقم بھی جمع کروانا چاہتی ہیں۔

اداکارہ ریشم کے ہاں قربانی کے وقت ان کے اہل خانہ اور قریبی عزیز و اقارب موجود تھے مگر ریشم خوشی کے ان لمحات میں بھی مستحق افراد کو نہ بھولیں اور ان میں گوشت تقسیم کیا۔

Comments

comments

یہ بھی پڑھیں