ماہ ربیع الاول کا چاند نظر نہیں‌ آیا، عید میلاد النبی ﷺ 21 نومبر کو ہوگی -
The news is by your side.

Advertisement

ماہ ربیع الاول کا چاند نظر نہیں‌ آیا، عید میلاد النبی ﷺ 21 نومبر کو ہوگی

کراچی: ماہ ربیع الاول 1440 ہجری کا چاند دیکھنے کے لیے رویت ہلال کمیٹی کا اجلاس مفتی منیب الرحمان کی زیرصدارت ہوا جس میں ملک بھر سے چاند نظر آنے کی کوئی شہادت نہیں ملی۔

تفصیلات کے مطابق نئے اسلامی مہینے ماہِ ربیع الاول کا چاند دیکھنے کے لیے رویت ہلال کمیٹی کا مرکزی اجلاس مفتی منیب الرحمان کی زیر صدارت کراچی جبکہ صوبوں میں بھی زونل کمیٹیوں کا اجلاس ہوا۔

کمیٹیوں کو لاہور، کوئٹہ اورپشاور سے بھی چاند نظر آنے کی کوئی شہادت موصول نہیں ہوئی، علماء کو تکنیکی مدد فراہم کرنے کے لیے اجلاس میں محکمہ موسمیات کے نمائندے بھی شریک ہوئے۔

چیئرمین رویت ہلال کمیٹی مفتی منیب الرحمان نے اجلاس کے اختتام پر چاند نظر نہ آنے کا اعلان کیا، جس کے مطابق اب یکم ربیع الاول 9 نومبر جبکہ عید میلاد النبی ﷺ 21 نومبر بروز بدھ ملک بھر میں مذہبی جوش و جذبے کے منائی جائے گی۔

قبل ازیں محکمہ موسمیات کی جانب سے ایڈوائزری جاری کی گئی تھی جس میں کہا گیا تھا کہ ربیع الاول کےچاندکی پیدائش کل رات 9 بج کر 2 منٹ پرہوئی ، غروب آفتاب کےوقت چاندکی عمر 21گھنٹے10منٹ ہوگی جس کے تحت مطلع صاف ہونے کے باوجود چاند نظر آنے کے امکانات بہت کم ہیں۔

واضح رہے ماہ ربیع الاول امت مسلمہ کے لیے خاص اہمیت کا حامل ہے کیونکہ اس مہینے نبی آخرالزماں ﷺ کی دنیا میں آمد ہوئی، پیغمبر اکرم صلی اللہ علیہ والہ وسلم پوری دنیا کے لئے عملی نمونہ بن کر آئے اور وہ ہر شعبے میں اس اوج کمال پر فائز ہیں کہ ان جیسا کوئی تھا اور نہ ہی قیامت تک آسکتا ہے۔

Comments

comments

یہ بھی پڑھیں