صوبہ سندھ کے شہر حیدرآباد کی ربڑی پورے ملک میں نہایت مشہور ہے۔ آج ہم آپ کو لذیذ ربڑی بنانے کی نہایت آسان ترکیب بتارہے ہیں جسے گھر والے کھا کر بے اختیار داد دینے پر مجبور ہوجائیں گے۔
اجزا
دودھ، بالائی کے ساتھ: 2 لیٹر
چینی: 3 سے 4 کپ
عرق گلاب: 1 چائے کا چمچ
بادام، پستہ، کاجو (باریک کٹے ہوئے): حسب ذائقہ
ترکیب
ایک دیگچی میں دودھ ڈال کر اسے ایک ابال دیں اور آنچ ہلکی کر دیں۔
تھوڑی، تھوڑی دیر کے بعد ملائی کی تہہ کو دیگچی کے کناروں کی طرف لاتے رہیں تاکہ دیگچی کے کناروں کے ساتھ ایک دائرہ سا بن جائے۔
جب دودھ پک کر ایک چوتھائی رہ جائے تو اس میں چینی اور پستہ بادام ڈال دیں۔
اب اس کو اتنی دیر پکائیں کہ دودھ بالکل خشک ہو جائے اور ربڑی ملائی باقی رہ جائے۔
اب اس میں گلاب کا عرق ملا کر فریج میں رکھ کر ٹھنڈا کریں۔
مزیدار ربڑی تیار ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
