کراچی: افغانستان کے دارالحکومت کابل کے انٹرنیشنل ایئر پورٹ پر ریڈار خراب ہو گیا۔
تفصیلات کے مطابق کابل انٹرنیشنل ایئر پورٹ پر نصب ریڈار خراب ہو گیا، جس کی وجہ سے اب پروازوں کی رہنمائی پاکستان سے کی جائے گی۔
ذرائع کا کہنا ہے کہ 20 اگست 2022 تک کابل فضائی ریجن کی ریڈار سروس دستیاب نہیں ہوگی، اور اب ایشیا سے یورپ جانے اور واپس آنے والی تمام پروازوں کی رہنمائی پاکستانی ریڈار سروسز کے ذمے ہوگی۔
ملکی اور غیر ملکی پروازوں کی نگرانی لاہور، کراچی اور اسلام آباد ریڈار کے ذریعے کی جائے گی، محکمہ سول ایوی ایشن نے آنے جانے والی تمام پروازوں کو صورت حال سے آگاہ کر دیا ہے۔
پاکستان کی حدود میں داخل ہونے والی پروازوں کو 15 منٹ پہلے اطلاع دینے کی ہدایت کر دی گئی۔
