The news is by your side.

Advertisement

پارٹی قیادت کے حکم پر قتل اور بھتہ خوری کی، رئیس مما کا عدالت میں اعتراف

کراچی : ایم کیوایم کے مبینہ ٹارگٹ کلر رئیس مما کو کراچی کی عدالت میں پیش کردیا گیا، ملزم نے دفعہ ایک سو چونسٹھ کے تحت اعترافی بیان ریکارڈ کراتے ہوئے قتل و غارت سمیت اہم انکشافات کردیئے۔

تفصیلات کے مطابق ایم کیو ایم کا سابق سیکٹر انچارج اور سنگین جرائم میں ملوث ملزم رئیس مما نے عدالت کے سامنے ایک سیاسی جماعت کی قیادت کے حکم پر ٹارگٹ کلنگ کا اعتراف کرلیا،ملزم نے سکیورٹی اہلکاروں کو بھی نشانہ بنانے کا اعتراف کیا ہے۔

ٹارگٹ کلنگ اور بھتہ خوری کے الزامات میں گرفتار ایم کیو ایم کے سابق سیکٹر انچارج رئیس مما کو نبی بخش پولیس نے سخت سکیورٹی میں سیشن کورٹ کراچی میں پیش کردیا۔

دوران سماعت ملزم رئیس مما نے دفعہ 164کے تحت اعترافی بیان ریکارڈ کرادیا، ملزم نے انکشاف کیا کہ اسے مختلف سیاسی شخصیات کی سرپرستی حاصل رہی۔ سیاسی جماعت کے سربراہ کے حکم پر قتل وغارت کی اور سیکیورٹی اہلکاروں کو بھی نشانہ بنایا۔

مزید پڑھیں: ٹارگٹ کلر رئیس مما 20روزہ ریمانڈ پر پولیس کے حوالے

رئیس مما نے بھتہ خوری اور غیرقانونی اسلحے کی لین دین کا بھی اعتراف کیا، تفتیشی افسر نے عدالت کو بتایا کہ ملزم کی نشاندہی پر گزشتہ دنوں عیدگاہ کے علاقے سے ہتھیاروں کی بڑی کھیپ بھی برآمد کی گئی ہے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیاپر شیئر کریں۔  

Print Friendly, PDF & Email

Comments

comments

یہ بھی پڑھیں