پیرس ائیر شو میں پاکستان کے ہاتھوں تباہی کا شکار ہونے والا رافیل طیارہ مرکز نگاہ بنا رہا تاہم 150 سے زائد طیارے نمائش کیلئے رکھے گئے۔
تفصیلات کے مطابق فرانس کے شہر پیرس میں ہوابازی کی صنعت کا سب بڑا میلہ سجا، اڑتالیس سے زائد ممالک کے500 سے زائد اسٹالز لگائے۔
پیرس ائیرشو میں 150 سے زائد طیارے نمائش کیلیے رکھے گئے، امریکا ، اٹلی ، برطانیہ ، جرمنی ، بیلجیم اور میزبان ملک فرانس نمائش میں سرفہرست رہے۔
پاک بھارت جنگ میں پاکستان کے ہاتھوں تباہی کاشکار ہونے والارافیل طیارہ نمائش میں سب کی توجہ کا مرکزبنا رہا۔
ائیر شو میں چائنہ نے جدید ائیرٹیکسی متعارف کرائی، جو بغیر پائلٹ دو مسافروں کے ساتھ 3 گھنٹے پرواز کرنے کی صلاحیت رکھتی ہے۔
ایئرشومیں اسرائیلی کمپینوں کو بھی بڑا دھچکا لگا، جارحانہ ہتھیار نمائش سے نہ ہٹانے پر فرانسسی حکومت کی ہدایت پر چار بڑی اسرائیلی دفاعی کمپینز کے اسٹالز بند کردیے گئے۔
منتظمین نے کہا کہ ایئر شو 2025 صرف ایک ایوی ایشن ایونٹ نہیں بلکہ فرانس کی معیشت کیلیے ایک اہم انجن بھی ہے، جس سے173 ملین یورو کا قومی اقتصادی فائدہ حاصل ہوتا ہے۔
محمد صلاح الدین اے آروائی نیوز سے وابستہ سینئر صحافی ہیں اور ایوی ایشن سے متعلقہ امور کی رپورٹنگ میں مہارت رکھتے ہیں