The news is by your side.

Advertisement

رحیم یارخان: چھ سالہ بچے کی قاتل اسی کی ماں نکلی، ملزمہ گرفتار

رحیم یارخان : چھ سالہ بچے کے قتل کا معمہ رحیم یارخان پولیس نے حل کرلیا، قاتل کوئی اور نہیں اسی کی ماں نکلی، ملزمہ کا کہنا ہے کہ معلوم نہیں میرا بچہ کیسے میرے ہاتھوں مارا گیا؟

تفصیلات کے مطابق رحیم یارخان میں چار جنوری کو چھ سال کے وقاص کی قاتل کوئی اور نہیں اسی کی سگی ماں نکلی، دوران تفتیش ملزمہ نے بیٹے کے قتل کا اعتراف کرلیا۔

اس حوالے سے پولیس کا کہنا ہے کہ وقاص کی تشدد زدہ لاش گھر کے باہرسے ملی تھی، قتل کا مقدمہ بھی تھانہ سی ڈویژن میں والدہ کی مدعیت میں درج کیا گیا تھا، دوران تفتیش انکشاف ہوا کہ بچے کی قاتل اسی کی ماں ہے، جس پر اسے حراست میں لے کر آلہ قتل بھی برآمد کرلیا گیا.

پولیس کے مطابق تفتیش میں ملزمہ نے اعتراف جرم کرتے ہوئے کہا کہ پتہ نہیں میں نے کیسے بچے کو قتل کرڈالا، مجھ سے بہت بڑی غلطی ہوگئی۔

پولیس کا کہنا ہے ملزمہ نے دوسری شادی کی ہوئی تھی اور مقتول وقاص اس کے پہلے شوہرسے تھا، ملزمہ سابق اسٹیج اداکارہ ہے۔

رحیم یار خان پولیس کا کہنا ہے ملزمہ نے پہلے بچے کے منہ پرتکیہ رکھ  کراس کا دم گھونٹ دیا، اور پھر جرم کو چھپانے کیلئے اس کی لاش پرچھری سے وار بھی کیے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پرشیئر کریں۔ 

 

Print Friendly, PDF & Email

Comments

comments

یہ بھی پڑھیں