The news is by your side.

ویسٹ انڈین کھلاڑی کی ٹی ٹوئنٹی میں ڈبل سنچری، 326 رنز بنا ڈالے

آئی سی سی سے غیر منظور شدہ اٹلانٹا اوپن ٹی ٹوئنٹی لیگ میں ویسٹ انڈین بلے باز نے ڈبل سنچری بنا ڈالی۔

اٹلانٹا فائر کی نمائندگی کرنے والے راحکیم کورنوال نے اسکوائر ڈرائیو کے خلاف چھکے چوکوں کی بارش کر دی۔ انہوں نے 77 گیندوں پر 205 رنز کی ناٹ آوٹ اننگز کھیلی۔

ان کی باری میں 22 چھکے اور 17 چوکے شامل تھے جب کہ انہوں نے 200 رنز صرف باونڈریز کی مدد سے بنائے۔
کورنوال کی جارحانہ اننگز کی بدولت اٹلانٹا فائر نے مقررہ 20 اوورز میں صرف ایک وکٹ کے نقصان پر 326 رنز بنائے۔

وزن ترین بلے باز کورنوال اپنی جارحانہ اننگز کی بدولت جانے جاتے ہیں وہ انٹرنیشنل سطح پر نیشنل ٹیم کی نمائندگی بھی کر چکے ہیں۔

Image

کرکٹ کے عالمی نگراں ادارے انٹرنیشنل کرکٹ کونسل سے منظور نہ ہونے کی وجہ سے اٹلانٹا اوپن کے ریکارڈز کو عالمی قرار نہیں دیا جا سکتا۔

Comments

یہ بھی پڑھیں