راہول گاندھی نے مودی کو کرپٹ انسان قرار دے دیا -
The news is by your side.

Advertisement

راہول گاندھی نے مودی کو کرپٹ انسان قرار دے دیا

نئی دہلی: بھارت کی اپوزیشن جماعت گانگریس کے صدر راہول گاندھی نے وزیراعظم مودی کو ملک کا کرپٹ انسان قرار دے دیا۔

تفصیلات کے مطابق بھارت میں فرانس سے طیاروں کی خریداری کامعاملہ اسمبلی اجلاس میں زیر بحث آیا جس میں اپوزیشن جماعت نے پسند کی کمپنی سے معاہدے پر وزیراعظم کو شدید تنقید کا نشانہ بنایا۔

راہول گاندھی کا کہنا تھا کہ ہمیں یقین ہے بھارتی وزیراعظم نریندرمودی کرپٹ ہیں، مودی نےمعاہدہ کرنےکے لیے بند دروازوں کے پیچھے مذاکرات کئے جبکہ فرانس کےسابق صدر نے بھارتی وزیراعظم جھوٹا شخص قرار دیا تھا۔

مزید پڑھیں: پاناما، پاکستانی وزیراعظم کو گھر بھیجا گیا، بھارت میں احتساب کب ہوگا، راہول گاندھی

بھارتی میڈیا کے مطابق فرانسیسی صدرنےطیاروں کی خریداری میں مودی کےکردارکا ذکرکیا تھا۔ واضح رہے کہ بھارتی حکومت نےفرانس سے36 جیٹ طیارے خریدنے کا معاہدہ کیاہے۔

واضح رہے کہ حکومتی جماعت بھارتیہ جنتا پارٹی کو اسمبلی میں اپوزیشن کی جانب سے شدید تنقید کا نشانہ بنایا جاتا ہے، گزشتہ برس راہول گاندھی نے مودی کے سامنے کئی سوالات اٹھائے تھے جن میں سے ایک سوال سوئس بینکوں سے پیسہ واپس لانے کا تھا۔

یہ بھی پڑھیں: کیا مودی سرکار سوئس بینک میں چھپا پیسہ واپس لائےگی؟ راہول گاندھی

یاد رہے گزشتہ سال سپریم کورٹ آف پاکستان کی جانب سے پاناما کیس کا فیصلہ آنے کے بعد راہو گاندھی نے مودی کی پالیسی کو شدید تنقید کا نشانہ بناتے ہوئے کہا تھا کہ ’پاناما لیکس میں نام آنے پر پاکستان میں ادارے اور قانون کام کررہے ہیں جس کی مثال وہاں کے وزیراعظم کے خلاف آنے والا فیصلہ ہے جبکہ بھارت میں کرپٹ عناصر کے خلاف کوئی کارروائی عمل میں نہیں لائی جاتی‘۔

Comments

comments

یہ بھی پڑھیں