The news is by your side.

Advertisement

اسپین : ماسک نہ پہننے پر گارڈ نے مسافر کو سیڑھیوں سے نیچے پھینک دیا

بارسلونا : اسپین میں ریلوے سیکیورٹی گارڈ نے بحث کرنے پر مسافر کو سیڑھیوں سے نیچے پھینک دیا، سیکیورٹی گارڈ کا کہنا ہے کہ مسافر نے ماسک پہننے سے انکار کردیا تھا۔

تفصیلات کے مطابق اسپین کے بارسلونا کے زیر زمین ریلوے اسٹیشن پر سیکیورٹی گارڈ نے ایک مسافر کو اٹھا کر سیڑھیوں سے نیچے پھینک دیا۔

غیر ملکی خبر رساں ادارے کے مطابق سیکیورٹی گارڈ نے جب مسافر کو فیس ماسک پہننے کی ہدایت کی تو مسافر نے بحث کرنا شروع کردی اور بات تلخ کلامی کے بعد ہاتھا پائی تک پہہنچ گئی، اس دوران سیکورٹی گارڈ نے اپنے ساتھی کی مدد سے اس مسافر کو اٹھا کر سیڑھیوں پر پٹخ دیا جس سے وہ نیچے جا گرا۔

میڈرڈ کے بالکل باہر گیٹافی ٹرین اسٹیشن پر ایک علیحدہ واقعے میں مسافر کو ٹرین گارڈز نے اس لیے ٹرین سے اتار دیا کہ اس نے چہرے پر نقاب لگایا ہوا تھا جس کے سبب وہ اسے مناسب طریقے سے نہیں پہچان پائے اور وہ فون پر بھی بات کر رہا تھا۔

اس شخص کو اسٹیشن پہنچنے کے بعد ٹرین سے اترنے پر مجبور کیا گیا جہاں عملے کے پانچ افراد نے اس سے ہاتھا پائی اور تشدد کے بعد زمین پر گرا دیا۔

واضح رہے کہ ہسپانوی حکومت نے کورونا وائرس کے پھیلاؤ کے سدباب کیلئے تمام شہریوں کو اس بات کا سختی سے پابند کیا ہے کہ ماسک پہننا لازمی ہے، بصورت دیگر قانونی کارروائی کا سامنا کرنا پڑے گا۔

Comments

یہ بھی پڑھیں