تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

محکمہ ریلوے نے محدود ٹرین آپریشن کا شیڈول جاری کر دیا

بارشوں اور سیلاب کے باعث ملک بھر میں ریلوے آپریشن بند ہونے کے بعد محکمہ ریلوے نے اب محدود ٹرین آپریشن کا شیڈول جاری کردیا ہے۔

محکمہ ریلوے کے مطابق لاہور سے اسلام آباد ریل کار سبک خرام، سبک رفتار سروس جاری رہے گی، اسی طرح لاہور سے اسلام آباد راول ایکسپریس اور اسلام آباد ایکسپریس سروس بھی معمول کے مطابق چلے گی۔

اے آروائی نیوز براہِ راست دیکھیں live.arynews.tv پر

لاہور سے فیصل آباد کے لیے بدر اور غوری ایکسپریس جب کہ لاہور سے ملتان موسیٰ پاک ایکسپریس سروس جاری رہے گی، لاہور سے سیالکوٹ کیلیے لاثانی ایکسپریس بھی معمول کے مطابق چلتی رہے گی۔

نارووال سے لاہور ناروووال پسنجرسروس اور لاہور سے نارووال فیض احمد فیض ٹرین سروس جاری رہے گی، شور کوٹ سے لاہور کے لیے راوی ایکسپریس بھی معمول کے مطابق چلے گی۔
راولپنڈی سے ملتان کیلیے مہر ایکسپریس اور راولپنڈی سے کوہاٹ ایکسپریس، لاہور سے میانوالی ٹرین سروس بحال ہے۔

محکمہ ریلوے کے مطابق میرپور خاص سے کراچی کے لیے مہران ایکسپریس اور شاہ لطیف ایکسپریس ٹرین سروس فعال ہے، اسی طرح حیدرآباد سے میرپورخاص اور کھوکھراپار کیلئے ماروی پسنجر سروس بھی جاری ہے، کراچی سے لاہور کارگو ایکسپریس اور فریٹ ٹرینیں جاری رہیں گی جبکہ پشاور، راولپنڈی اور لاہور کے درمیان ٹرین آپریشن بھی جاری رہے گا۔

یہ بھی پڑھیں: ملک بھر میں ریلوے آپریشن بند کردیا گیا

واضح رہے کہ ملک بھر میں بارشوں اور سیلاب کی تباہ کاریوں کے باعث گزشتہ روز محکمہ ریلوے نے ملک بھر میں ٹرین سروس بند کردیا تھا۔

Comments

- Advertisement -