The news is by your side.

Advertisement

قومی احتساب بیورو نے محکمہ ریلوے میں کرپشن کی تحقیقات کا آغاز کردیا

اسلام آباد: نیب نے محکمہ ریلوے میں کروڑوں روپے کی ممکنہ کرپشن کی تحقیقات کا آغاز کردیا ہے۔

نیب حکام کے مطابق کرپشن کے خلاف تحقیقات کا آغاز ریلوے ایکسئن واصف محمود کے خلاف کیا گیا ہے، جن پر الزام ہے کہ انہوں نےمیرٹ اور قوانین کو نظر انداز کر کے اپنی ہی کمپنی کو اسٹیل وائر کا ٹھیکہ دے دیا ۔

نیب کی جانب سے مؤقف اختیار کیا گیا ہے کہ واصف محمود نے فرنیچر ساز کمپنی ’’مسٹر ربر‘‘ کو کروڑوں روپے کا ٹھیکہ دیا جبکہ دیگر بولی دہندگان کو بغیر وجہ کے بولی لگانے کے عمل سے باہر نکال دیا۔

قومی احتساب بیورو کے حکام نے مزید بتایا کہ ایکسئن نے اپنے عہدے کا ناجائز استعمال کرتے ہوئے ریلوے کے دیگر افراد کو بھی فائدہ پہنچایا اور ٹھیکوں میں معاونت فراہم کرنے پر ترقیاں بھی دیں، جس سے قومی خزانے کو کروڑوں روپے کے نقصان کا سامنا کرنا پڑا ہے۔

اس حوالے سے نیب نے تمام تر دستاویزات حاصل کر کے ملزم سے مزید تحقیقات کے لیے نوٹس جاری کردیا ہے۔

 

Comments

comments

یہ بھی پڑھیں