The news is by your side.

Advertisement

چینی اورگندم کی قیمتوں کے حوالے سے شیخ رشید نے بڑی خبر سنادی

لاہور : وفاقی وزیر ریلوے شیخ رشید کا کہنا ہے کہ گجرپورہ واقعےکی جتنی مذمت کی جائےوہ کم ہے، چینی اور گندم کے جہاز جلد لگنے والےہیں، قیمت جلد کم ہوجائے گی۔

.تفصیلات کے مطابق وفاقی وزیر ریلوے شیخ رشید نے پریس کانفرنس کرتے ہوئے کہا کہ کوروناکےباعث متاثرٹرینوں کاشیڈول بحال کیاجارہاہے، ریلوے نے اسٹیشن سے پوائنٹ تک کارگوکی ترسیل کافیصلہ کیاہے، ریلوےنےپوائنٹ تک سامان کی ترسیل نہ کرکےاپنانقصان کیا۔

وفاقی وزیر ریلوے کا کہنا تھا کہ 20 ستمبرتک ایم ایل ون کےٹینڈرجاری ہوجائیں گے، 72 سال میں پہلاکام ہےجوٹھیک ہوناچاہیے، شہر نیچے ہونے کے باعث پانی جمع ہواٹریک متاثرہوئے، ہم نےکراچی کوریلوےکامنی ہیڈکوارٹرزبنانےکافیصلہ کیاہے افسر20،20گریڈتک آگئےکبھی آپریشن میں کام نہیں کیا ، آپریشن میں کام نہ کرنےوالوں کوکراچی بھیجا جائے گا۔

گجرپورہ زیادتی کیس کے حوالے سے شیخ رشید نے کہا گجرپورہ واقعےکی جتنی مذمت کی جائےوہ کم ہے، امیدہےملوث ملزمان کو جلد از جلد گرفتار کیا جائے گا،سی سی پی اوکابیان غیرذمےدارانہ اور بغیر سوچےسمجھے دیا گیا۔

اپوزیشن سے متعلق ان کا کہنا تھا کہ لندن بھگوڑوں کی پناہ گاہ بنتاجارہاہے، اس سال کےآخرتک ش اورن لیگ الگ ہوں گے، ن لیگ پتھرمارنےوالی اورش لیگ سنگ تراش ہوگی۔

وفاقی وزیر ریلوے نے کہا کہ چیف جسٹس جوکہتےوہ ٹھیک کہتےہیں، میں یہاں بیٹھ کریہ تونہیں کہوں گاکہ وہ غلط کہتےہیں، وفاق اورسندھ میں اچھے تعلقات ہونے چاہیے، بلدیاتی انتخاب ہوں گےضرورکب ہوں گےعلم نہیں۔

شیخ رشید کا کہنا تھا کہ شہبازشریف اورنوازشریف کےکیس قانون کےمطابق ہیں، شہبازشریف نےواپس آکرغلطی کی اب پچھتا رہے ہیں۔

انھوں نے مزید کہا کہ ہم سےچینی اورآٹےکامسئلہ ٹھیک سےحل نہیں ہوا،ہم ذمے دارہیں، چینی اورگندم کے جہاز جلد لگنے والےہیں، قیمت جلدکم ہوجائے گی، گندم اور چینی کی ریلوے کےذریعےترسیل کی جائےگی۔

Comments

یہ بھی پڑھیں