The news is by your side.

Advertisement

وزیرریلوے شیخ رشید نے کروناوائرس کو شکست دے دی

راولپنڈی: وزیر ریلوے شیخ رشید احمد کا کرونا ٹیسٹ منفی آگیا، وہ اب مکمل صحت یاب ہیں۔

تفصیلات کے مطابق وزیریلوے نے کروناوائرس کو شکست دے دی، انہیں آج ایم ایچ اسپتال سے گھر جانے کی اجازت ملے گی، قوم کی جناب سے دعاؤں پر انہوں نے خصوصی طور پر شکریہ ادا کیا۔

عوامی مسلم لیگ کے رہنما شیخ راشد شفیق کا کہنا ہے کہ شیخ رشید احمد آج گھر پہنچ جائیں گے، ڈاکٹروں کے مشورے کے بعد انہیں گھر جانے کی جازت دی گئی ہے، اللہ کا شکر ہے قوم کی دعائیں ساتھ ہیں۔

خیال رہے کہ وفافی وزیر 8 جون کو کروناوائرس کا شکار ہوئے تھے۔ جس کے بعد وہ اپنے گھر میں سیلف آئسولیشن میں چلے گئے تھے۔ بعد ازاں انہوں نے 10 جون کو بھی وائرس کا ٹیسٹ کروایا تب بھی مثبت آیا۔

وزیر ریلوے شیخ رشید کی صحت سے متعلق خوش خبری

کرونا وائرس انفیکشن میں مبتلا وفاقی وزیر شیخ رشید احمد کو ملٹری اسپتال منتقل کردیا گیا تھا۔

گزشتہ ہفتے اسپتال سے جاری پیغام میں انہوں نے کہا تھا کہ اب وہ بہتر محسوس کر رہے ہیں۔ فیملی کا کہنا تھا کہ انہیں احتیاطی تدابیر کے پیش نظر اسپتال منتقل کیا گیا تھا، شیخ رشید کو کوئی پیچیدگی لاحق نہیں تھی۔

Comments

یہ بھی پڑھیں