The news is by your side.

Advertisement

ریلوے پولیس اہلکار نے ایمانداری کی عمدہ مثال قائم کردی

کراچی: ریلوے پولیس اہلکار نے ٹرین سے ملا قیمتی سامان سے بھرا پرس خاتون کو واپس لوٹا کر ایمانداری کی عمدہ مثال قائم کردی، شاہ حسین ایکسپریس میں سوار خاتون پرس بھول گئی تھی۔

تفصیلات کے مطابق ریلوے پولیس ٹرین اسکارڈ یونٹ کی ایمانداری کااحسن اقدام سامنے آیا ، ایک فیملی محمد ندیم اور اہلیہ محمد ندیم روہڑی سے کراچی شاہ حسین ایکسپریس میں آ رہے تھے، جب ٹرین شاہ حسین ایکسپریس لانڈھی اسٹیشن پہنچی تو مذکورہ فیملی جو بوگی نمبر 13 میں اپنا سامان لیڈیز پرس جلدی میں بھول کر لانڈھی اسٹیشن اتر گئے۔

ریلوے پولیس کانسٹیبل محمد حنیف ٹرین میں معمول کے مطابق گشت کرتے ہوئے بوگی نمبر 13 پہنچا تو ایک پرس ملا جو وہ کراچی پہنچنے پر ریلوے پولیس ہیلپ سینٹر لے آیا، پرس کو کانسٹیبل کے روبرو کھول کر چیک کیا گیا، جس میں سے (1) ایک عدد موبائل فون آئی فون 5 (2) ایک عدد موبائل فون چارجر (3) دو عدد شناختی کارڈ (4) دو عدد بینک چیک بک (5) ایک عدد گھڑی مردانہ اور ضروری سامان ملا۔

بعد ازاں فیملی سے رابطہ ہونے کے بعد فیملی ریلوے پولیس ہیلپ سینٹر کراچی کینٹ آئی ، جس نے اپنا سامان ہیلپ سنٹر سے وصول کیا اور ریلوے پولیس کا شکریہ ادا کیا اور ریلوے پولیس کی عوامی خدمات کو سراہا۔

Comments

یہ بھی پڑھیں