اتوار, فروری 16, 2025
اشتہار

چینوٹ : بل کی عدم ادائیگی پر ریلوے اسٹیشن کی بجلی منقطع

اشتہار

حیرت انگیز

چینوٹ : لاکھوں روپے بل کی عدم ادائیگی پر چینوٹ ریلوے اسٹیشن کی بجلی کاٹ دی گئی، اہلکار میٹر بھی اتار کر لے گئے۔

اے آر وائی نیوز کے نمائندے امیر عمر چمن کی رپورٹ کے مطابق فیسکو (فیصل آباد الیکٹرک سپلائی کمپنی) نے چنیوٹ میں ستائیس لاکھ سے زائد کا بل ادا نہ کرنے پر ریلوے اسٹیشن کی بجلی کاٹ دی۔

فیسکو اہلکاروں نے بجلی کا کنکشن منقطع کرنے کے بعد وہاں نصب بجلی کا میٹر بھی اتار لیا، جس کے بعد سے ریلوے اسٹیشن کا نظام بری طرح متاثر ہورہا ہے۔

بجلی کی عدم دستیابی کے باعث ریلوے اسٹیشن پر آنے والے مسافروں کو شدید پریشانی کا سامنا کرنا پڑرہا ہے اس کے علاوہ وائرلیس سسٹم بند ہونے سے ٹرین شیڈول متاثر ہونے کا بھی خدشہ ہے۔

بجلی منقطع ہونے سے ریلوے اسٹیشن پر پانی کی بھی قلت بھی پیدا ہوگئی ہے، مقامی شہریوں نے حکام بالا سے معاملے کا نوٹس لینے کا مطالبہ کیا ہے۔

مزید پڑھیں : بل کی عدم ادائیگی پر ریلوے اسٹیشن اندھیرے میں ڈوب گیا،

واضح رہے کہ اس سے قبل فیسکو نے گزشتہ سال اپریل میں گوجرہ میں واقع ریلوے اسٹیشن کی بجلی بل کی عدم ادائیگی کے سبب منقطع کردی تھی۔

فیسکو حکام کا کہنا تھا کہ ریلوے اسٹیشن کے ذمہ 4 لاکھ روپے سے زائد کما بل واجب الادا ہے، بجلی بند ہونے کے بعد ریلوے اسٹیشن پر مسافروں کا گرمی سے برا حال ہوگیا۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں