The news is by your side.

Advertisement

کراچی کے مختلف علاقوں میں بارش، موسم خوشگوار ہوگیا

کراچی: شہر قائد کے مختلف علاقوں میں ہلکی بارش سے موسم سہانا ہوگیا، ٹھنڈی ہواؤں سے شہریوں کے چہرے کھل اٹھے اور شہری گھروں سے باہر نکل آئے۔

تفصیلات کے مطابق کراچی میں دن بھر رہنے والی شدید حبس اورگرمی کا زور ٹوٹ گیا، شہر کے مختلف علاقوں میں ہلکی بارش سے موسم خوشگوار ہوگیا۔

کراچی کے علاقےشارع فیصل،صدر،کلفٹن، ڈیفنس،محمود آباد اور اطراف میں ہلکی بارش سے موسم سہانا ہوگیا۔

محکمہ موسمیات کا کہنا ہے کہ شہر میں 29 کلو میٹر فی گھنٹہ کی رفتار سے مغربی سمت سے چلنے والی ہواؤں میں نمی کا تناسب 68 فیصد ہے۔

محکمہ موسمیات کے مطابق اسلام آباد سمیت ملک کے مختلف شہروں میں آندھی اور گرج چمک کے ساتھ موسلا دھار بارش ہوئی جس سے موسم خوشگوار ہوگیا، آندھی چلنے سے بعض علاقوں میں درخت گر گئے جبکہ فیڈر ٹرپ کر جانے سے متعدد علاقے اندھیرے میں ڈوب گئے۔

fb-share-icon0
Tweet 20

Comments

comments

یہ بھی پڑھیں