کراچی کے مختلف علاقوں میں موسلا دھار بارش -
The news is by your side.

Advertisement

کراچی کے مختلف علاقوں میں موسلا دھار بارش

کراچی: صوبہ سندھ کے دارالحکومت کراچی میں موسلا دھار بارشوں کا آغاز ہوگیا۔ دوسری جانب پنجاب کے شہر مرید کے اور گرد و نواح میں بھی بارش کا آغاز ہوگیا۔

تفصیلات کے مطابق محکمہ موسمیات نے منگل کی شام سے بارشوں کے آغاز کی پیش گوئی کا اعلان کیا تھا تاہم اس سے قبل دن کے درمیانی حصے میں ہی موسلا دھار بارش کا آغاز ہوگیا۔

کراچی کے مختلف علاقوں ملیر، سہراب گوٹھ، صفوراگوٹھ، گلستان جوہر، گلشن اقبال، صدر اور کلفٹن میں اچانک موسم تبدیل ہوا اور تیز دھوپ کے بعد بادل گھر کر آگئے۔ اس کے تھوڑی ہی دیر بعد موسلا دھار بارش کا آغاز ہوگیا۔

دوسری جانب پنجاب کے شہر مرید کے اور گرد و نواح میں بھی بارشوں کا آغاز ہوگیا۔ موسلا دھار بارشوں سے کاروبار زندگی عارضی طور پر رک گیا۔

مزید پڑھیں: کراچی میں سیلاب کا خطرہ، بچاؤ کیسے ممکن؟

یاد رہے کہ محکمہ موسمیات نے منگل کی شام سے جمعہ تک ہونے والی بارش کے باعث کراچی، حیدر آباد اور میرپور خاص میں اربن فلڈ کی باقاعدہ وارننگ جاری کردی ہے۔


Comments

comments

یہ بھی پڑھیں