The news is by your side.

Advertisement

کراچی میں موسلادھاربارش کی پیشگوئی، رین ایمرجنسی نافذ

کراچی : محکمہ موسمیات کی کل سے  کراچی میں موسلادھاربارش کی پیشگوئی پر رین ایمرجنسی نافذ کردی گئی  اور متعلقہ حکام اور ملازمین 24 گھنٹے  ڈیوٹی پر موجود رہنے جبکہ تمام اسپتالوں میں انتظامی اقدامات کی ہدایت کردی ہے۔

تفصیلات کے مطابق محکمہ موسمیات کی جانب سے کراچی میں موسلادھاربارش کی پیشگوئی کے پیش نظر میئر کراچی وسیم اختر نے بلدیہ عظمی میں ایمرجنسی نافذ کردی ہے اور متعلقہ حکام اور ملازمین 24گھنٹے ڈیوٹی پر موجود رہنے کی ہدایت بھی کی۔

میئر کراچی کا کہنا ہے کہ افسران و ملازمین ضروری مشینری کے ساتھ سڑکوں پر موجود رہیں۔

سینئر ڈائریکٹر اینڈ ہیلتھ سروسز نے بھی رین ایمرجنسی ہائی الرٹ جاری کردیا، بلدیہ عظمیٰ کے تمام اسپتالوں میں انتظامی اقدامات کی ہدایت کردی۔

دوسری جانب موسلادھاربارش کی پیشگوئی کے باوجود کراچی میں برساتی نالوں کی صفائی کا کام مکمل نہیں کیا جاسکا جبکہ مضافاتی علاقوں میں نکاسی آب کا نظام پہلے ہی مفلوج ہے۔

مزید پڑھیں : بارشوں سے کراچی میں سیلابی صورتحال کا خطرہ ، الرٹ جاری

ملیر، لانڈھی ،کورنگی ، شاہ فیصل کالونی ، ماڈل کالونی ، نیو کراچی، محمود آباد، اختر کالونی قیوم کالونی ، ناظم آباد میں کچرےکےڈھیر پڑے  ہیں، جبکہ نارتھ ناظم آباد ،گلشن اقبال، گلستان جوہر میں صفائی کاناقص انتظام ہے، کچر اکنڈیوں سےہزاروں ٹن کچرے کو تاحال ٹھکانے نہیں لگایا جا سکا۔

یاد رہے محکمہ موسمیات نے کراچی میں پیرسے موسلادھاربارش کی پیش گوئی کردی، ڈائریکٹرمیٹ سردار سرفراز نے بتایا انتیس، تیس اور اکتیس جولائی کو کراچی سمیت زیریں سندھ میں گرج چمک کے ساتھ بارش کا امکان ہے۔

میری ٹائم انفارمیشن سینٹر نے بارشوں اور سیلاب کا الرٹ جاری کرتے ہوئے کہا ہے کہ 28 سے 30جولائی کے دوران کراچی، حیدرآباد، ٹھٹھہ اور میرپور ، خاص میں بارش کا امکان ہے، بارشوں سےکراچی میں اربن فلڈ کی صورتحال بھی پیداہوسکتی ہے۔

Comments

یہ بھی پڑھیں