اسلام آباد ایئرپورٹ کا رن وے جھیل میں تبدیل -
The news is by your side.

Advertisement

اسلام آباد ایئرپورٹ کا رن وے جھیل میں تبدیل

اسلام آباد: سول ایوی ایشن اتھارٹی کی غفلت و لاپرواہی کے باعث اسلام آباد ایئرپورٹ کا رن وے بارشوں کے بعد جھیل کا منظر پیش کر رہا ہے۔ رن وے پر بے تحاشہ پانی کھڑا ہے۔

تفصیلات کے مطابق وفاقی دارالحکومت اسلام آباد کا انٹرنیشنل ایئرپورٹ اس وقت سول ایوی ایشن اتھارٹی کی غفلت اور بد اتنظامی کا بدترین ثبوت پیش کررہا ہے۔

ائیرپورٹ کے رن وے پر بے تحاشہ پانی کھڑا ہے جس کے باعث رن وے کسی جھیل کا منظر پیش کررہا ہے۔

بارش کے پانی کی نکاسی کا کام تاحال نہیں ہوسکا جس کی وجہ سے اندرون و بیرون ملک جانے والی پروازیں متاثر ہوگئی ہیں۔

رن وے کے کارگو ایریا میں جہاں سے مسافروں کا سامان اتارا اور چڑھایا جاتا ہے، کنٹینر بھی پانی میں ڈوبے ہوئے ہیں۔

وفاقی دارالحکومت اسلام آباد میں رواں مون سون میں غیر معمولی بارشیں ہوئی ہیں جس کے بعد شہر کی متعدد سڑکیں زیر آب آگئی ہیں۔

شہر میں جا بجا بارش کا پانی کھڑا ہے جس کو نکالنے کے لیے مقامی انتظامیہ کا کام جاری ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں