site
stats
اہم ترین

سردیوں کی پہلی بارش‘ ٹویٹر کراچی کی تصویروں سے سج گیا

کراچی: شہرِقائد کے مختلف علاقوں موسم سرما کی پہلی بارشہوئی ‘ بارش کے ہوتے ہی موسم خوشگوارہوگیا‘ واضح رہے کہ کراچی میں موسمِ سرما میں بہت کم بارش ہوتی ہے۔

تفصیلات کے مطابق کراچی کے مختلف علاقوں میں موسم سرما پہلا مینہ برسا . ابر رحمت کے برستے ہی شہریوں کے چہرے خوشی سے کھل اُٹھے. .موسم سرما کی پہلی بارش ناظم آباد ، نارتھ کراچی اورصدر سمیت مختلف علاقوں میں ہوئی جس کے سبب شہرکا ۔موسم سرد اور ٹھنڈا ہو گیا۔ ہلکی بارش کا یہ سلسلہ وقفہ وقفہ سے جاری ہے

بارش ہوتے ہی شہریوں نے سماجی رابطے کی ویب سائٹ ٹویٹر پر اپنی خوشی کا اظہار کرنا شروع کردیا اور بارش کا ٹرینڈ ٹاپ پر آگیا۔

دوسری جانب معمولی بارش ہوتے ہی کراچی میں کے الیکٹرک کے کئی فیڈرز ٹرپ کر گئے جس کے باعث گلشن اقبال، گلستان جوہر ،لیاری، بلدیہ ٹاؤن ، ماڑی پور،لانڈھی،کورنگی،نارتھ ناظم آباد ، لائنز ایریا،گارڈن اور جمشید روٍڈ کے ایریا میں بجلی کی فراہمی معطل ہوگئی۔

محکمہ موسمیات کے مطابق ہلکی بارش کا یہ سلسلہ آئندہ چوبیس گھنٹے تک جاری رہنے کا امکان ہے جبکہ اس سے سردی کی شدت میں بھی اضافہ ہوگا۔

علاوہ ازیں میٹرول اور سائٹ ایریا سمیت شہر کے متعدد علاقوں میں ٹریفک بھی جام ہوگیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top