The news is by your side.

Advertisement

کراچی میں تیز ہواؤں کے ساتھ بارش، ٹھنڈی ہوا چلنے لگی

کراچی: شہر قائد کے مختلف علاقوں میں نہایت مختصر وقت کے لیے تیز بارش ہوئی، محکمہ موسمیات کے مطابق شہر میں وقفے وقفے سے ہلکی اور تیز بارش کا سلسلہ برقرار رہے گا، پہلی بوند پڑتے ہی مختلف علاقوں میں بجلی غائب ہوگئی ۔

تفصیلات کے مطابق کراچی کے علاقوں صفورہ، ملیر، ایئر پورٹ، ماڈل کالونی، شارع فیصل، اسٹار گیٹ اور نارتھ ناظم آباد میں تیز بارش ہوئی، بارش کے بعد ٹھنڈی اور تیز ہواؤں کا سلسلہ تاحال برقرار ہے۔
بارش کے بعد گرمی کے ستائے کراچی کے شہریوں کے چہرے خوشی کھل اٹھے، ٹھنڈی ہواؤں اور خوشگوار موسم دیکھ کر لوگ بارش کا مزہ لینے گھروں سے باہر نکل آئے ۔

محکمہ موسمیات کا کہنا ہے کہ بارش بنانے والا سسٹم اب بھی شہر میں موجود ہے، وقفے وقفے سے ہلکی اور تیز بارش کا سلسلہ برقرار رہے گا۔

دوسری جانب  کراچی میں بارش کی پہلی بوند پڑتے ہی مختلف علاقوں میں بجلی غائب ہوگئی، ملیر، گلستان جوہر، لیاری،نارتھ کراچی میں بجلی کی فراہمی معطل ہوگئی، اس کے علاوہ لیاقت آباد، سائٹ ایریا، سہراب گوٹھ، نارتھ ناظم آباد، پہلوان گوٹھ، گلزارہجری ودگر علاقوں میں میں اندھیرا چھا گیا۔

کراچی کے علاوہ بھی ملک بھر میں بارشوں کا سلسلہ جاری ہے، محکمہ موسمیات کے مطابق بارش برسانے والی مغربی ہواؤں کا نیا سلسلہ ایران سے بلوچستان میں داخل ہوچکا ہے اور سرحدی علاقوں میں گرج چمک کے ساتھ بارش ہو رہی ہے۔

Comments

comments

یہ بھی پڑھیں