drainage-work کراچی بارش: دو دن میں نکاسی آب کا کام نہ ہوسکا، جگہ جگہ کیچڑ
The news is by your side.

Advertisement

کراچی بارش: دو دن میں نکاسی آب کا کام نہ ہوسکا، جگہ جگہ کیچڑ

کراچی : بلدیاتی اداروں کی غفلت اورلاپرواہی کے باعث بارش کو دو دن گزرنے کے باوجود شہر کی اہم شاہراہوں سے پانی کی نکاسی کا کام نہیں کیا جاسکا، قیوم آباد سمیت دیگرعلاقے جھیل کا منظر پیش کررہے ہیں۔

تفصیلات کے مطابق باران رحمت شہری انتظامیہ کی نااہلی اورغفلت کے باعث باران زحمت اوراذیت بن گئی، شہر کے بیشتر مقامات میں سیوریج کی لائنیں تباہ حالی کا شکار ہیں۔ بارش کے پہلے قطرے کے ساتھ ہی گٹر اور نالے ابل پڑے۔

موسلا دھار بارش کے باعث گھروں میں گندہ پانی داخل ہوگیا، ندی نادلوں میں طغیانی کے باعث کراچی کے علاقے ایف بی ایریا رحمان آباد میں سیوریج کا پانی گھروں اور مسجد میں داخل ہوگیا جس کے باعث شہریوں کو سخت اذیت کا سامنا رہا۔

ڈپٹی کمشنرکی ہدایت پراسسٹنٹ کمشنرضلع وسطی مسجد پہنچ گئیں مکینوں نے اپنی مدد آپ کے تحت پانی کی نکاسی شروع کردی، مکینوں نے انتظامیہ کیخلاف احتجاج کیا۔

دوسری جانب شہر کی مختلف شاہراہوں پرکھلے مین ہولز اور سڑکوں پر پڑنے والے گڑھے شہریوں کیلئے خوف کی علامت بن گئے، گرومندر سے نمائش جانیوالی روڈ پر مین ہولز اورگڑھوں سے ٹریفک کی آمدورفت متاثر ہے۔

Comments

comments

یہ بھی پڑھیں