The news is by your side.

Advertisement

کراچی اور اندرون سندھ بارش، بجلی کی فراہمی پہلی بوند گرتے ہی بند

کراچی : شہر قائد میں ایک بار پھر ہلکی اور تیز بارش ہوئی، اندرون سندھ میں بھی بادل گرج چمک کے ساتھ برسے، بارش شروع ہوتے ہی کئی شہروں میں بجلی غائب ہوگئی۔

تفصیلات کے مطابق کراچی سمیت سندھ کے مختلف شہروں میں آج صبح سے بارش کاسلسلہ جاری ہے، اندرون سندھ اور کراچی کے مختلف علاقوں میں آج صبح ہلکی اور تیزبارش ہوئی۔

بارش کے ساتھ ہی متعدد علاقوں میں بجلی کی فراہمی معطل ہوگئی، پہلوان گوٹھ، بھٹائی آباد،صفورا گوٹھ اور اطراف میں بجلی کی فراہمی بند کردی گئی۔

بلدیہ اتحاد ٹاؤن،قائم خانی کالونی، گلشن غازی،اطراف میں بھی بجلی غائب رہی، اس کے علاوہ ملیر پاک کوثرٹاؤن اور اطراف کےعلاقوں میں بھی بجلی کا نظام معطل ہوگیا۔

ذرائع کے مطابق شکارپور، سکھر، جیکب آباد اور اس کے گرد و نواح میں گرج چمک کے ساتھ موسلادھار بارش ہوئی، کئی نشیبی علاقےزیرآب آگئے۔

بارش سے گرمی کا زور ٹوٹ گیا اور موسم خوشگوار ہوگیا، پانی کی بوندیں گرتے ہی سیپکو نے بجلی کی فراہمی معطل کردی، سکھر میں بارش کے باعث45فیڈرز ٹرپ کرگئے۔

Comments

یہ بھی پڑھیں