The news is by your side.

Advertisement

نیو سبزی منڈی اور سپر ہائی وے پانی و کچرے کا ڈھیر بن گئے

کراچی: نیو سبزی منڈی، سپر ہائی وے کچرے کا ڈھیر بن گئی کراچی کی سبزی منڈی میں بارش کے بعد کاروبار بری طرح متاثر ہوا اور منڈی کی ٹوٹی ہوئی سڑکوں پر کیچڑ اور گندا پانی جمع ہوگیا۔

فریش فروٹ ویلفیر ایسوسی ایشن کے چئیرمین زاہد اعوان نے اے آر وائی نیوز کے نمائندے انجم وہاب سے گفتگو کرتے ہوئے بتایا کہ دو روز کی بارش نے کراچی سبزی منڈی کے ناقص انتظامات کی قلعی کھول دی ہے، سڑکوں پر کیچڑ اور پانی جمع ہونے کے باعث فضا میں بدبو کا راج ہے اور منڈی میں تعفن پھیل گیا ہے۔

سبزی منڈی کے تاجر حاجی شاہجہاں کا کہنا تھا کہ سبزی منڈی میں فروٹ اور سبزی لانے والی گاڑیاں سڑکیں نہ ہونے کی وجہ سے پھنس گئیں اگر بارش کے پانی کی نکاسی نہ کی گئی تو منڈی میں کاروبار بند ہوجائے گا۔

فروٹ ہول سیلرز ایسوسی ایشن کے صدر شائستہ خان کا کہنا تھا کہ کراچی کو سبزیاں اور پھل فراہم کرنے والی سبزی منڈی میں سہولتوں کا فقدان ہے، منڈی میں پانی کی فراہمی اور نکاسی کا کوئی انتظام نہیں،تاجروں کے مطابق سبزی منڈی کو منتقل کرتے ہوئے سندھ حکومت نے تمام بنیادی سہولتوں کی فراہم کی یقین دہانی کرائی تھی جو فراہم نہیں کی گئی۔

خیال رہے کہ موجودہ مارکیٹ کمیٹی نے کرپشن کا بازار گرم کر رکھا ہے،مارکیٹ کمیٹی منڈی میں داخل ہونے والی ہر گاڑی سے فیس لیتی ہے،سالانہ کروڑوں روپے جمع ہونے کے باوجود منڈی میں سیوریج پانی اور بجلی کی سہولت فراہم نہیں کی جا رہی۔

Print Friendly, PDF & Email

Comments

comments

یہ بھی پڑھیں