سعودی عرب میں موسمیات کے قومی مرکز نے ملک کے بیشتر علاقوں میں ہفتے سے بدھ تک بارش، گرج چمک اور گردآلود طوفانی ہواؤں کی پیش گوئی کی ہے۔
سعودی خبر رساں ادارے ایس پی اے کے مطابق محکمہ شہری دفاع کا کہنا ہے کہ مملکت میں بارش سے متاثرہ مقامات سے دور رہا جائے۔متاثرہ علاقوں کے رہائشیوں کو ایس ایم ایس کے ذریعے بھی آگاہ کیا جا رہا ہے۔
محکمہ موسمیات کے مطابق بارش سے مکہ ریجن بھی متاثر ہوسکتا ہے۔ بارش سے قبل طائف، میسان، اضم، العرضیات میں گرد آلود تیز ہوائیں بھی چل سکتی ہیں۔ جبکہ الکامل میں ہلکی اور درمیانی بارش جبکہ الجموم، بحرہ، رانیہ، الخرمہ اور المویہ میں ہلکی بارش کا امکان ہے۔
جازان، الباحہ، عسیر کے علاقے درمیانی سے شدید بارش اور جازان، مدینہ، حائل اور القصیم کے علاقے ہلکی سے درمیانے درجے کی بارش سے متاثر رہیں گے۔
ایران میں شدید بارشوں سے سیلاب، 7افراد جاں بحق
شہری دفاع کے بیان کے مطابق ریاض میں ہلکی سے درمیانی بارش جبکہ القویعیہ، الغاط، شقراء، ثادق، عفیف، الدوادمی، المجمعہ، الزلفی، مرات اور وادی الدواسر میں گرد آلود ہوائیں چلنے کا امکان ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں