کراچی میں بارش نے ٹھنڈ بڑھا دی، بالائی علاقوں میں برفباری، محکمہ موسمیات
The news is by your side.

Advertisement

کراچی میں بارش کے بعد سردی میں اضافہ، بالائی علاقوں میں برفباری کا امکان

کراچی: شہرقائد میں بارش کے بعد سردی کی شدت میں اضافہ ہوگیا جبکہ ملک کے بالائی علاقوں میں برفباری کا امکان ہے۔

تفصیلات کے مطابق محکمہ موسمیات کا کہنا ہے کہ ملک کے دیگر علاقوں میں موسم سرد اور خشک رہے گا تاہم پہاڑی علاقوں میں کہیں کہیں بارش اور برفباری کا امکان ہے۔

گزشتہ دنوں کراچی میں بارش سے سردی میں اضافہ بدستور جاری ہے جبکہ مالاکنڈ، ہزارہ ڈویژن، کشمیر اور گلگت بلتستان میں کہیں کہیں جبکہ راولپنڈی، گوجرانوالہ، لاہور، مردان، کوہاٹ، پشاورڈویژن اور اسلام آباد میں چند مقامات پرگرج چمک کے ساتھ مزید بارش کا امکان ہے۔

پاکپتن شہر اور مضافاتی علاقوں میں دھند چھائی ہوئی ہے، دھند سے حد نگاہ پندرہ میٹر تک محدود ہوگئی جبکہ پنجاب کے دیگر میدانی علاقوں میں صبح کے اوقات میں دھند کی توقع ہے۔

بارش کا سلسلہ ختم، آج صبح سے کراچی کا موسم معمول پر آجائے گا: محکمہ موسمیات

گزشتہ روز سب سے کم درجہ حرارت قلات میں منفی نو ڈگری سینٹی گریڈ ریکارڈ کیا گیا۔

یاد رہے کہ دو روز قبل کراچی میں موسلادھار بارش ہوئی تھی، بارش کے بعد سڑکوں‌ پر سیوریج اور بارش کا پانی کھڑا ہوگیا جس کی وجہ سے شہریوں‌کو شدید مشکلات کا سامنا کرنا پڑا تھا۔

بعد ازاں شہری انتظامیہ کے بلدیاتی عملے نے لیاقت آباد اور غریب آباد انڈر پاس سمیت شہر کے مختلف علاقوں میں پانی کی نکاسی کا معاملہ حل کیا۔

خیال رہے کہ میئر کراچی نے بارش کے بعد شہر کی سڑکوں پر کھڑے پانی کا نوٹس لیتے ہوئے ہنگامی اقدامات کی ہدایت کی تھی۔

Comments

comments

یہ بھی پڑھیں