The news is by your side.

Advertisement

گجرات میں طوفانی آندھی اور موسلادھار بارش نے تباہی مچادی، 4 خواتین سمیت 6 افراد جاں بحق

لاہور:گجرات میں طوفانی آندھی اور موسلادھار بارش چار خواتین سمیت چھ افراد کی زندگیاں نگل گئی، وزیراعلیٰ پنجاب عثمان بزدار نے گجرات میں بارش کے باعث حادثات میں اموات پر اظہار افسوس کیا۔

تفصیلات کے مطابق گجرات میں طوفانی آندھی اور موسلادھار بارش نے تباہی مچادی ، مختلف علاقوں میں حادثات کے دوران 4 خواتین سمیت 6 افراد جاں بحق ہوگئے۔

ریسکیوذرائع کا کہنا تھا کہ لاری اڈا کے قریب سائن بورڈ گرنے کے باعث 70 سالہ مہندی خان اور اس کی بیوی جانبحق ہوئے جبکہ سبزی منڈی کے قریب بزرگ شہری دیوار گرنے سے زندگی کی بازی ہار گیا۔

اسی طرح مدینہ سیداں میں گھر کی دیوار گرنے سے 2 بہنیں بیس سالہ سحر نور اور 15 سالہ مہتاب جاں بحق ہو گئیں جبکہ تھانہ سول لائنز کے علاقہ گرین ٹاؤن میں دیوار گرنے سے 4 بچوں کی ماں اس میں سمینہ رانی دم توڑ گئی۔

شدید طوفانی بارش کے دوران پولیس اور ریسکیو کا عملہ زخمیوں کو اسپتال منتقل کرتا رہا، گجرات میں میں سائن بورڈ گرنے کے واقعات پہلے بھی رونما ہو چکے ہیں تاہم سپریم کورٹ آف پاکستان کے حکم کے باوجود سائن بورڈ سڑکوں پر موجود ہے۔

وزیراعلیٰ پنجاب عثمان بزدار نے گجرات میں بارش کےباعث حادثات میں اموات پراظہارافسوس کرتے ہوئے جاں بحق افراد کے لواحقین سے دلی ہمدردی واظہار تعزیت کیا۔

وزیراعلیٰ پنجاب نے ہدایت کی کہ زخمی افراد کوعلاج معالجےکی بہترین سہولتیں فراہم کی جائیں۔

Comments

یہ بھی پڑھیں