The news is by your side.

Advertisement

راولپنڈی اسلام آباد اور گردونواح میں گرج چمک کے ساتھ موسلا دھار بارش

راولپنڈی / اسلام آباد : ملک کے مختلف شہروں راولپنڈی اسلام آباد اور گردونواح میں گرج چمک کے ساتھ موسلا دھار بارش کا سلسلہ جاری ہے تاہم بلوچستان، پنجاب، خیبرپختونخوا کے بعض مقامات پربارش کا امکان ہے جبکہ پہاڑوں پربرفباری کی بھی توقع ہے۔

اس حوالے سے محکمہ موسمیات کا کہنا ہے کہ کوئٹہ، ژوب، قلات ڈویژن میں کہیں کہیں جبکہ ڈی جی خان، ملتان، بہاولپور، سرگودھا، ساہیوال، ڈی آئی خان، راولپنڈی، پشاور، کوہاٹ ، مکران، لاڑکانہ، سکھر ڈویژن اوراسلام آباد میں چند مقامات پربارش کا امکان ہے۔

محکمہ موسمیات کے مطابق کراچی اورحیدرآباد کا موسم سرد اورخشک رہنے کی توقع ہے۔ مری، چترال، دیر، سوات، گلگت اورچیلاس کے بعض مقامات پربرفباری کی پیشگوئی کی گئی ہے۔ گزشتہ روز سب سے کم درجہ حرارت کالام میں منفی سات ڈگری سینٹی گریڈ ریکارڈ کیا گیا۔

Comments

comments

یہ بھی پڑھیں