The news is by your side.

Advertisement

وہ کیک جو 30 منٹ کے اندر غائب ہوجائے

جاپان میں ویسے تو مختلف نوع کے کھانے تیار کیے جاتے ہیں جنہیں دنیا بھر کے لوگ شوق سے کھاتے ہیں، انہی میں سے ایک رین ڈراپ کیک بھی ہے جو میز پر رکھتے ہی آدھے گھنٹے کے اندر غائب ہوجاتا ہے۔

یہ کیک دیکھنے میں پانی کا بڑا سا قطرہ لگتا ہے تاہم یہ ٹھوس ہے اور نہایت کم کیلوریز کا حامل ہے۔ اس کیک کو مقامی زبان میں میزو شنگن موچی کہا جاتا ہے البتہ عام طور پر اسے رین ڈراپ کیک بھی کہا جاتا ہے۔

ایک بار اسے فریزر سے نکال کر روم ٹمپریچر پر رکھ دیا جائے تو آدھے گھنٹے کے اندر یہ اپنی شکل کھو دیتا ہے۔

اسے بنانے کی ترکیب بھی نہایت آسان ہے، اسے بنانے کے لیے ایگر پاؤڈر استعمال کیا جاتا ہے جو الجی سے بنا ہوا جیلی کی طرح کا ایک مادہ ہوتا ہے۔ تیار ہونے کے بعد اسے سوئے بین پاؤڈر اور براؤن شوگر سیرپ کے ساتھ پیش کیا جاتا ہے۔

یہ کیک جاپان میں بے حد مقبول ہے اور اب امریکا میں بھی اسے کھانے کا رجحان بڑھ رہا ہے۔

Comments

comments

یہ بھی پڑھیں