دبئی: متحدہ عرب امارات میں بارش سے درجہ حرارت میں کمی، موسم خوشگوار -
The news is by your side.

Advertisement

دبئی: متحدہ عرب امارات میں بارش سے درجہ حرارت میں کمی، موسم خوشگوار

دبئی: متحدہ عرب امارات کے مختلف علاقوں میں بارش سے گرمی کی شدت میں واضح کمی دیکھی گئی ہے ، کم از درجہ حرارت ساڑھے سترہ ڈگری سینٹی گریڈ ریکارڈ کیا گیا۔

تفصیلات کے مطابق گزشتہ روز متحدہ عرب امارات میں ہونے والی موسلا دھار بارش کے سبب گرمی کی شدت میں کمی دیکھنے میں آئی ، کم سے کم درجہ حرارت 17.5 ڈگری سینٹی گریڈ جبکہ زیادہ سے زیادہ 38.9 ڈگری سینٹی گریڈ رہا۔

امارات کے محکمہ موسمیات کے مطابق ملک کے مختلف حصوں میں موسم آج بھی ابر آلود رہے گا۔ درمانے درجے کی ہوا دن بھر چلتی رہے گی جس کے سبب کچھ مقامات پر گرد کے ہلکے طوفان کا بھی اندیشہ ہے۔

یہ بھی کہا گیا ہے کہ ساحل سمندر کے ساتھ اور ان سے ملحقہ اندرونی علاقوں کی ہوا میں نمی کا تناسب زیادہ رہے گا، بالخصوص اس میں رات اور صبح کے وقت اضافہ دیکھنے میں آئے گا۔ عربین گلف اور اومان کے ساحل میں ہلکی سی طغیانی بھی دیکھنے میں آئے گی۔

گزشتہ روز ہونے والی بارش کے سبب پہاڑ ی علاقوں میں ندی نالے ابل پڑے جبکہ شہری علاقوں میں ٹریفک پولیس نے سفر کرنے والے افراد کے لیے وارننگ بھی جاری کی کہ موسلا دھار بار ش میں اپنی گاڑی احتیاط سے چلائیں اور حدِر فتار سے ہرگز تجاوز نہ کریں۔

Comments

comments

یہ بھی پڑھیں