The news is by your side.

Advertisement

بارشوں سے ٹرینوں کا شیڈول متاثر، مسافر پریشان

لاہور: ملک بھر میں شدید بارشوں کے باعث ٹرینوں کا شیڈول بری طرح متاثر ہوا ہے، مختلف ٹرینیں گھنٹوں تاخیر کا شکار ہیں جس کی وجہ سے مسافروں کو شدید مشکلات کا سامنا ہے۔

تفصیلات کے مطابق ملک کے مختلف شہروں میں حالیہ شدید بارشوں کے باعث ریلوے سسٹم پر مسافر ٹرینوں کا شیڈول بری طرح متاثر ہوا ہے۔

کراچی اور کوئٹہ آنے والی ٹرینیں 1 سے 13 گھنٹے،کراچی سے آنے والی شالیمار ایکسپریس 13 گھنٹے،علامہ اقبال ایکسپریس اور ملت ایکسپریس 12،12  گھنٹے تاخیر کا شکار ہیں۔

ریلوے انتظامیہ کے مطابق کراچی ایکسپریس اور تیزگام ایکسپریس 11 گھنٹے،گرین لائن ایکسپریس 10 گھنٹے ،عوام ایکسپریس 8 گھنٹے،رحمان بابا ،سرسید اور فرید ایکسپریس بھی 8،8گھنٹے تاخیر کا شکار ہیں‌۔

ریلوے حکام کا کہنا ہے کہ شاہ حسین ایکسپریس7 گھنٹے،پاکستان ،خیبر میل ایکسپریس 6،6 گھنٹے اور کوئٹہ سے آنے والی جعفر ایکسپریس ایک گھنٹہ 40 منٹ  تاخیر کا شکار ہے۔

یاد رہے کہ گزشتہ روز نیشنل ڈیزاسٹر مینجمنٹ اتھارٹی (این ڈی ایم اے) نے کراچی، حیدرآباد، ٹھٹھہ اور بدین میں اربن فلڈنگ کا خدشہ ظاہر کیا تھا۔

Comments

یہ بھی پڑھیں