بارشوں سے ملک بھر میں تباہی، 6 افراد جاں بحق -
The news is by your side.

Advertisement

بارشوں سے ملک بھر میں تباہی، 6 افراد جاں بحق

اسلام آباد: ملک بھر میں مون سون کی بارشوں کا سلسلہ جاری ہے۔ پنجاب، خیبر پختونخواہ اور بلوچستان کے مختلف علاقوں میں بارشوں کے نتیجے میں حادثات پیش آنے سے 6 افراد جاں بحق ہوگئے۔

تفصیلات کے مطابق ملک بھر میں مون سون بارشوں کا دوسرا مرحلہ جاری ہے۔ تیز بارشوں نے ملک بھر میں تباہی مچادی اور کئی علاقے زیر آب آگئے ہیں۔

صوبہ پنجاب کے جڑواں شہروں راولپنڈی اور اسلام آباد میں شدید بارش سے جل تھل ایک ہوگیا۔ وفاقی دارالحکومت اسلام آباد کی کچی آبادی میں دیوار گرنے سے میاں بیوی اور بچی جاں بحق ہوگئے۔

حافظ آباد میں کولو تارڑ کے علاقے میں کرنٹ لگنے سے خاتون سمیت 3 افراد جاں بحق ہوگئے۔

صوبہ خیبر پختونخواہ کے شہر چارسدہ میں طوفانی بارشوں سے کئی مکانات کو نقصان پہنچا۔ مکانوں کی دیواریں اور چھتیں گر گئیں جبکہ مکانوں میں رکھا ہوا سامان تباہ ہوگیا۔

گلگت میں بھی موسلا دھار بارش اور لینڈ سلائیڈنگ سے اسکردو روڈ کو 2 مقامات پر ٹریفک کے لیے بند کردیا گیا۔


Comments

comments

یہ بھی پڑھیں