تازہ ترین

ڈریپ نے امراض چشم میں ایواسٹین انجیکشن کا استعمال غیر قانونی قرار دے دیا

اسلام آباد: ڈریپ نے امراض چشم میں ایواسٹین انجیکشن...

چیئرمین پی ٹی آئی کو اڈیالہ جیل منتقل کرنے کا حکم

اسلام آباد : اسلام آباد ہائی کورٹ نے سائفر...

خاور مانیکا کو گرفتار کرلیا گیا

لاہور : سرکاری رقبہ پر ناجائز تعمیرات کے الزام...
Array

کوہ سلیمان پر بارشوں کا سلسلہ تھم گیا ، پانی کے بہاؤ میں کمی

راجن پور : کوہ سلیمان پر بارشوں کا سلسلہ تھمنے سے پانی کے بہاؤ میں کمی آنے لگی جبکہ انڈس ہائی وے پر اسٹیل پل بنانے کا کام تیزی سے جاری ہے۔

تفصیلات کے مطابق راجن پور کے کوہ سلیمان کے پہاڑی علاقوں میں بارشوں کا سلسلہ تھمنے لگا ، جس کے بعد ندی نالوں سے آنے والے سیلابی پانی میں بھی کمی ہونے لگی۔

نالہ کاہا سلطان سے4 ہزار 446 کیوسک کے سیلابی ریلے اور درہ چھاچھڑ سے 2500 کیوسیک سیلابی ریلے کی آمد ہے۔

نالہ کالا بگا کھوسرا سے 500 کیوسک سیلابی پانی کا ریلا جاری ہے اور نالہ سوری جنوبی میں 1000 کیوسک کا ریلا گزر رہا ہے۔

ضلعی انتظامیہ کا انڈس ہائی وے پراسٹیل پل بنانے کا کام تیزی سے جاری ہے ، انڈس ہائی وے پر اسٹیل پل بنا کر آج ٹریفک بحال کر دیا جائے گا۔

انڈس روڈ پر پڑے شگافوں کےباعث راجن پور کا دیگر شہروں سے 7 روز سے رابطہ منقطع ہے۔

دوسری جانب عاقل پور کے قریب رود کوہی سیم نالے میں سیلابی پانی کی سطح میں بھی کمی واقع ہونے لگی ہے۔

بستی لاشاری کے مقام پر پڑاشگاف 2 روز گزرنے کے باوجود پر نہ کیا جا سکا ، شگاف پڑنے سے سیلابی پانی راجن پور شہری آبادی کی طرف بڑھ رہا ہے۔

قومی شاہراہ کےکناروں پرسیلاب متاثرین کھلے آسمان تلے موجود ہے ،سیلابی پانی روجهان کے قریب انڈس ہائی وے کو بھی نگل گیا ، سڑک ٹوٹنے سے روجهان اور کشمور کا بھی زمینی راستہ منقطع ہے۔

Comments

- Advertisement -