The news is by your side.

Advertisement

سی پیک میں شمولیت سے آزاد کشمیرمیں معاشی انقلاب آئے گا، فاروق حیدر

اسلام آباد : وزیراعظم آزاد کشمیرفاروق حیدر نے کہا ہے کہ کشمیری عوام پاکستان کی سالمیت کیلئے کسی قربانی سےدریغ نہیں کریں گے ، سی پیک میں شمولیت سے آزاد کشمیرمیں معاشی انقلاب آئے گا۔

ان خیالات کا اظہار انہوں نے اسلام آباد میں تقریب سے خطاب کرتے ہوئے کیا، انہوں نے کہا کہ پاکستان سے نظریاتی رشتوں کی مضبوطی میری ذمہ داری ہے، سی پیک منصوبہ اسٹریٹیجک الائنس ہے، سی پیک میں شمولیت سے آزاد کشمیرمیں معاشی انقلاب آئے گا۔

فاروق حیدر نے کہا کہ چین پاکستان کا مخلص دوست ہے، تعلیم اوربنیادی ڈھانچہ پائیدارترقی کازینہ ہے، آزاد کشمیرکو چاروں موسموں کاسیاحتی مرکز بنائیں گے، پاکستانی صنعت وحرفت کی ترقی کشمیریوں کی خواہش ہے۔

وزیراعظم آزاد کشمیر  نے کہاکہ مقبوضہ کشمیر کے بہادر کشمیری پاکستان کی طرف دیکھ رہے ہیں ،کشمیری پاکستان کی سالمیت کیلئے کسی قربانی سےدریغ نہیں کریں گے، پاکستان سےمحبت کشمیریوں کاایمان ہے۔

ان کا مزید کہنا تھا کہ آزاد کشمیرکو پاکستان سے جوڑنےوالی سڑکیں اعلی معیار کی ہیں، کشمیریوں کوعالمی سطح پرمسئلہ کشمیر اجاگرکرنےکی اجازت دی جائے، آزادکشمیر ایک مثالی ریاست، جہاں کوئی سیاسی قیدی نہیں۔

fb-share-icon0
Tweet 20

Comments

comments

یہ بھی پڑھیں