The news is by your side.

Advertisement

کشمیر الیکشن میں پی پی بھاری اکثریت سے فتح حاصل کریگی، راجہ پرویز اشرف

میرپور: سابق وزیر اعظم راجہ پرویز اشرف نے کہا ہے کہ ’’آزاد کشمیر کے عوام بھاری تعداد میں پیپلزپارٹی کو ووٹ دے کر فتح سے ہمکنار کروائیں گے۔

تفصیلات کے مطابق سابق وزیر اعظم نے میرپور آزاد کشمیر میں میڈیا سے گفتگو کرتے ہوئے کہا ہے کہ ’’حکومت عوام سے کئے گئے وعدوں پر پورا نہیں اتر سکی، پہلے لوڈشیڈنگ چھ ماہ میں ختم کرنے کا وعدہ کیا گیا پھر بڑھا کر ایک سال ہوا اور اب وفاقی وزراء کہتے ہیں کہ 2018 میں لوڈشیڈنگ پر قابو پالیا جائے گا‘‘۔

انہوں نے مزید کہا کہ ایک طرف تو حکومتی اراکین شہروں میں 6 گھنٹے اور دیہاتوں میں 8 گھنٹے لوڈشیڈنگ کا دعویٰ کرتے ہیں مگر حقیقت اس کے برعکس ہے، گاؤں دیہاتوں میں بیس گھنٹے لوڈشیڈنگ کی جارہی ہے۔

راجہ پرویز اشرف نے الزام عائد کیا کہ ’’وفاقی وزراء آزاد کشمیر میں مسلم لیگ ن کے امیدواران کی الیکشن مہم چلارہے ہیں اور ہمارے قائدین کے خلاف غلط زبان استعمال کررہے ہیں۔

حکومتی اراکین کو تنبیہ کرتے ہوئے سابق وزیراعظم کا کہنا تھا کہ ’’زبانیں ہمارے پاس بھی موجود ہیں اور اگر ہم نے زبانیں کھولیں تو بات بہت دور تک نکل جائے گی‘‘۔

انہوں نے کہا کہ حکومت چاہیے کچھ بھی کر لے کشمیری عوام پیپلزپارٹی کو ہی ووٹ دے گی اور کشمیر الیکشن میں پی پی بھارتی اکثریت سے کامیابی حاصل کر کے حکومت بنائے گی۔

اس موقع پر انہوں نے  وزیر اعظم میاں محمد نوازشریف کی صحت یابی کے لیے دعا کی اور اعلان کیا کہ کل میرپور آزاد کشمیر میں ہونے والے جلسے سے چیئرمین پیپلزپارٹی بلاول بھٹو زرداری میرپور کی عوام سے خطاب کریں گے۔

 

Comments

comments

یہ بھی پڑھیں