تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

بھارتی وزیر دفاع کرونا کا شکار

نئی دہلی: بھارتی وزیر دفاع راج ناتھ سنگھ کرونا وائرس کا شکار ہو گئے۔

تفصیلات کے مطابق پڑوسی ملک بھارت کے وزیر دفاع راج ناتھ کا کرونا وائرس ٹیسٹ مثبت آ گیا ہے۔

بھارتی میڈیا کے مطابق راج ناتھ سنگھ نے خود کو گھر میں قرنطینہ کر لیا۔ بھارتی وزیر دفاع نے اپنے بیان میں کہا کہ جو لوگ حال ہی میں میرے رابطے میں آئے ہیں، وہ اپنا ٹیسٹ کروائیں۔

واضح رہے کہ دہلی میں اتوار کو 24 گھنٹوں میں 22,751 نئے کرونا کیسز کے ساتھ مثبت کیسز کی شرح (23 فی صد) میں اضافہ ہوا ہے۔

بی جے پی کے سینیئر لیڈر نے آج دوپہر کو ایک ٹوئٹ میں اپنے کرونا ٹیسٹ کے مثبت نتیجے کے بارے میں بتاتے ہوئے کہا کہ انھیں معمولی نوعیت والی علامات ہیں۔

راج ناتھ سنگھ نے کہا میں ان تمام لوگوں سے درخواست کرتا ہوں جو حال ہی میں میرے رابطے میں آئے ہیں، کہ وہ خود کو الگ تھلگ کریں اور کرونا ٹیسٹ کروائیں۔

بھارت میں اتوار کو 1 لاکھ 79 ہزار تازہ کیسز کا زبردست اضافہ ریکارڈ کیا گیا ہے، یومیہ مثبت کیسز کی شرح ملک میں 13.29 فی صد ہو گئی ہے، جب کہ تقریباً 10 دن پہلے ملک میں روزانہ اوسطاً دس یا پندرہ ہزار کیسز رجسٹر ہو رہے تھے۔

Comments

- Advertisement -