The news is by your side.

Advertisement

بالی ووڈ اداکار راج پال یادیو کو 6 ماہ قید کی سزا

ممبئی: بالی ووڈ کے مزاحیہ اداکار راج پال یادیو کو عدالت نے 6 ماہ قید اور 11 کروڑ 20 لاکھ جرمانے کی سزا سنادی۔

بھارتی میڈیا رپورٹس کے مطابق بالی ووڈ اداکار راج پال یادیو کو چیک باؤنس کیس میں 6 ماہ قید اور 11 کروڑ 20 لاکھ جرمانے کی سزا سنائی گئی ہے، اداکار اور ان کی اہلیہ پر بھارتی تاجر نے مقدمہ درج کروایا تھا۔

فلم ’اتا پتہ لاپتہ‘ کے فلاپ ہونے کے بعد قرض کی ادائیگی کی تاریخ آئی تو راج پال یادیو نے چیک سائن کرکے دئیے جو کہ باؤنس ہوگئے تھے، جس پر تاجر اداکار کے خلاف مقدمہ درج کرایا تھا۔

بھارتی تاجر نے درخواست دائر کی تھی کہ راج پال یادیو نے اپنی ہدایت کاری میں بننے والی فلم ’اتا پتہ لاپتہ‘ کے لیے 5 کروڑ روپے کا قرضہ لیا تھا اور مقررہ مدت میں اس کی واپسی نہیں کی، فلم ’اتا پتہ لاپتہ‘ باکس آفس پر بری طرح فلاپ ثابت ہوئی تھی۔

قرض کی عدم ادائیگی کے حوالے سے کامیڈین پر 7 مقدمات درج کیے گئے تھے، جن پر انہیں 6 ماہ قید اور ہر مقدمے میں ایک کروڑ 60 لاکھ روپے کا جرمانہ عائد کیا گیا تھا، مجموعی طور پر انہیں 11 کروڑ 20 لاکھ روپے جرمانہ ادا کرنا ہوگا۔

راج پال یادیو کو سزا سنائے جانے کے بعد ضمانت پر رہا کردیا گیا ہے، اداکار نے سزا کے خلاف اعلیٰ عدالت میں جانے کا اعلان کیا ہے جبکہ عدالت نے مقدمے میں شامل راج پال یادیو کی اہلیہ کو بھی 10 لاکھ روپے جرمانے کی سزا سنائی ہے۔

واضح رہے کہ بالی ووڈ اداکار راج پال یادیو کئی مشہور فلموں میں مزاحیہ کردار نبھا چکے ہیں جن میں کمپنی، چور مچائے شور، چھپ چھپ کے اور پارٹنر شامل ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں