The news is by your side.

Advertisement

مانی شنکرآئیرکابھارت اورپاکستان کےدرمیان بلا تعطل مذاکرات پرزور

نئی دہلی : بھارتی راجیا سبھا کے رکن نے امید ظاہر کی ہے کہ حالیہ اقدامات سے بھارت اور پاکستان کے درمیان تعلقات میں مثبت نتائج کے حصول میں مدد ملے گی۔

تفصیلات کے مطابق بھارت میں راجیا سبھا کے رکن مانی شنکر آئیر نے بھارت اورپاکستان کے درمیان بلا تعطل مذاکرات کی ضرورت پر زوردیا ہے۔ انہوں نے یہ بات پاکستان انسٹیٹیوٹ آف انٹرنیشنل افیئرزکراچی میں بھارت کی خارجہ پالیسی کے تسلسل اورتبدیلی کے موضوع پرخطاب کرتے ہوئے کہی۔

انہوں نے کہا کہ مسئلہ یہ ہے کہ ہم ایک دوسرے کے ساتھ رابطے کا موقع ہی فراہم نہیں کررہے اوراگر ہم بات چیت نہیں کریں گے تو ہم کبھی کسی مسئلے کا حل تلاش نہیں کرسکیں گے۔

سابق بھارتی سفارت کار اورسیاستدان نے امید ظاہر کی کہ حالیہ اقدامات سے بھارت اور پاکستان کے درمیان تعلقات میں مثبت نتائج کے حصول میں مدد ملے گی۔

مانی شنکرآئیرکا کہنا تھا کہ پاکستان اوربھارت کے درمیان دہشت گردی کا کوئی مسئلہ نہیں ہے بلکہ ایسے واقعات وقوع پذیر ہوتے رہتے ہیں۔

Comments

comments

یہ بھی پڑھیں