بالی ووڈ کی متنازع اداکارہ راکھی ساونت نے گفتگو کے دوران صحافی کی پٹائی کردی۔
سوشل میڈیا پر بھارتی اداکارہ راکھی ساونت کی صحافی پر مکے برسانے کی ویڈیو وائرل ہوگئی، ویڈیو میں راکھی ساونت کو اپنے دوست اور ایک خاتون کے ساتھ دیکھا جاسکتا ہے۔
اسی دوران صحافی راکھی کے ساتھ کھڑی خاتون سے ان کے بریک اپ سے متعلق سوال کرتا ہے جس پر راکھی لوگوں کے سامنے صحافی پر لاتوں اور مکوں سے حملہ کردیتی ہیں۔
بعد ازاں صحافی کو ہنستے ہوئے بھی دیکھا گیا جب کہ دوسری جانب راکھی بھی مسکراتی ہوئی پیچھے ہٹ گئیں۔
واضح رہے کہ راکھی ساونت ٹی وی اور بالی ووڈ کی ایک ایسی اداکارہ ہیں جو سیدھے اور بے باک انداز میں بات کرنے کے لیے مشہور ہیں۔
انہوں نے میڈیا ہی نہیں بلکہ کئی رئیلٹی شوز میں بھی اپنی زندگی کے کئی چونکا دینے والے واقعات کو کھلم کھلا بیان کرنے میں کوئی جھجک محسوس نہیں کرتیں۔
