بھارتی اداکارہ راکھی ساونت نے نامور پاکستانی اسٹار ہانیہ عامر اور بالی وڈ سُپر اسٹار سلمان خان کے حوالے سے اہم ویڈیو پیغام جاری کر دیا۔
راکھی ساونت کا ایک ویڈیو پیغام زیرِ گردش ہے جس میں وہ پاکستانی اداکارہ اور پنجابی بھارتی گلوکار دلجیت دوسانجھ کی مشترکہ ویڈیوز کو سراہتے ہوئے ایک بار پھر ہانیہ عامر سے اپنی محبت کا اظہار کر رہی ہیں۔
وہ کہتی ہیں کہ ’شکر ہے بالی وڈ والوں نے سن لیا، کم از کم یہ شروعات ہوگئی ہے کہ دلجیت دوسانجھ، ہانیہ عامر اور یو یو ہنی سنگھ وغیزہ ویڈیوز بنا رہے ہیں۔‘
’ہانیہ میری پیاری بہن، میں تم سے بہت یپار کرتی ہوں، اب وہ دن دور نہیں جب تم سلمان خان کے ساتھ فلم میں ہیروئن بن کر آؤ گی۔ میں سلمان خان سے بات کر رہی ہوں وہ دبئی آ چکے ہیں اور میں ان کو ملنے والی ہوں جس میں تمہارے بارے میں بات کروں گی۔‘
یہ بھی پڑھیں: دودی خان نے راکھی ساونت کو ہیرے کی انگوٹھی پہنا دی
اس سے قبل راکھی ساونت نے ایک پوڈکاسٹ میں شرکت کی تھی جہاں میزبان نے ان سے سوال کیا تھا کہ ہانیہ عامر سے آپ کو پیار کیسے ہوا جس کی وجہ سے آپ پاکستان میں ٹرینڈ کر رہی ہیں؟
بھارتی اداکارہ نے بتایا تھا کہ مجھے وہ اور ان کے ڈرامے بہت پسند ہیں، وہ اچھی اور چلبلی ہیں۔
انہوں نے بتایا تھا کہ میں نے سلمان خان کو فون اور ای میل کی ہے کہ اس پاکستانی لڑکی کو دیکھیں آپ کیا ان تھکی ہوئی بالی وڈ اداکاراؤں کے ساتھ کام کر رہے ہیں آپ ان کے ساتھ کام کریں آپ دونوں کی جوڑی بہت اچھی لگے گی۔
’شاہ رخ خان نے پاکستانی اداکارہ ماہرہ خان کے ساتھ کام کیا تھا لیکن وہ ہٹ نہیں ہو پائیں۔ ماہرہ خان مجھے بھی پسند ہے لیکن اتنی خوبصورت نہیں ہیں جتنی ہانیہ ہیں۔‘
میزبان نے سوال کیا تھا کہ آپ چاہتی ہیں پاکستانی اداکارہ سلمان خان کے ساتھ کام کریں؟
راکھی ساونت نے جواب دیا تھا کہ میں سلمان خان سے کہہ رہی ہوں کہ آپ 10 ہزار کروڑ سے بھی زیادہ کمائیں گے اگر آپ ہانیہ عامر کو اپنی فلم میں کاسٹ کرتے ہیں تو، ان کو مرکزی کردار کیلیے لیں۔
’ہانیہ عامر میری اچھی دوست ہیں مجھے پسند کرتی ہیں۔ انہیں میرے ویڈیوز پسند آتے ہیں، ان سے بہت جلد ملاقات ہوگی وہ میری شادی میں بھی آئیں گی۔‘
