ممبئی: بالی وڈ اداکارہ راکول پریت سنگھ نے اپنے بوائے فرینڈ جیکی بھگنانی کے ساتھ عنقریب شادی کرنے کی قیاس آرائیوں پر خاموشی توڑ دی۔
بھارتی فلم نگری میں آئے روز کسی نہ کسی فنکار کی شادی یا علیحدگی کے حوالے سے خبریں گردش کرتی رہتی ہیں۔ اس مرتبہ راکول پریت سنگھ اور جیکی بھگنانی ان خبروں کی زد میں آگئے ہیں۔
راکول پریت سنگھ کے چھوٹے بھائی امان پریت بہت جلد بالی وڈ ڈیبیو کرنے والے ہیں۔ انہوں نے میڈیا سے گفتگو میں بہن کی شادی کے بارے میں بات کی۔
View this post on Instagram
امان پریت نے کہا: ’راکول نے جیکی بھگنانی کے ساتھ متعدد پروجیکٹس پر کام کیا اور دونوں کی شادی کا بھی امکان ہے مگر ابھی کچھ کہنا قبل از وقت ہوگا۔ شادی کے معاملات طے ہونے پر وہ خود اعلان کریں گی۔ اگر شادی کی بات چل رہی ہوتی تو مجھ ضرور معلوم ہوتا۔‘
اداکارہ کے بھائی نے شادی کو تعلقات کی انتہا قرار دیتے ہوئے کہا کہ دونوں اس وقت کچھ پروجیکٹس میں مصروف ہیں، جیکی بھگنانی فلم نگری کے بڑے پروڈیوسر ہیں اور ان کے ذہن میں مزید پروجیکٹس بھی ہوں گے، دونوں کے اپنے مقاصد ہیں۔
View this post on Instagram
راکول پریت سنگھ نے بھائی کے بیان کو ٹوئٹ پر شیئر کرتے ہوئے لکھا: ’امان، تم نے میری شادی سے متعلق تصدیق کر دی اور مجھے بتایا بھی نہیں۔ یہ مضحکہ خیز ہے کہ مجھے اپنی ہی زندگی کے بارے میں کچھ خبر نہیں۔‘
😂 @AmanPreetOffl you confirmed ? Aur mujhe bataya bhi nahi bro .. it’s funny how I don’t have news about my life .. https://t.co/ZSZgNjW2BW
— Rakul Singh (@Rakulpreet) October 12, 2022
