لاہور : رمضان المبارک وزن کم کرنے کا بہترین موقع ہے، ماہرین نے بتایا ہے کہ رمضان المبارک میں کیسی ورزش کرنی چاہیئے اور اس کے لئے بہترین وقت کون سا ہے۔
تفصیلات کے مطابق جسمانی فٹنس اور صحت کے لئے رمضان المبارک میں ورزش جاری تو رکھنی چاہئے لیکن عام دنوں کی طرح نہیں۔
فٹنس ماہرین کہتے ہیں کہ وزن کم کرنے کے لئے رمضان المبارک سے بہترین موقع مل ہی نہیں سکتا۔ ان کا کہنا ہے کہ اگر وزن کم کرنا چاہتے ہیں تو افطارسے قبل ورزش کریں تاکہ بیس منٹ بعد آپ اپنی مکمل خوراک لے سکیں۔
اس کے علاوہ اگرآپ مسلز کو طاقتور اور مضبوط بنانا چاہتے ہیں تو افطار کے بعد ٹریننگ کریں۔ فٹنس ماہرین کا کہنا ہے کہ ماہ رمضان میں ورزش جاری رکھنی چاہیئے لیکن تھوڑی تبدیلی کے ساتھ تاکہ صحت اور فٹنس دونوں برقرار رہ سکیں۔
Comments
- Advertisement -
