اسلام آباد : وفاقی وزیرسائنس اینڈ ٹیکنالوجی کا کہنا ہے کہ پاکستان میں 25اپریل کوپہلاروزہ ہوگا ، رویت ہلال کمیٹی نے ذیقعداوررجب دونوں کی غلط تاریخ دیں۔
تفصیلات کے مطابق وفاقی وزیرسائنس اینڈ ٹیکنالوجی فواد چوہدری نے سماجی رابطے کی ویب سائٹ ٹوئٹر پر اپنے بیان میں کہا انشااللہ رمضان کا چاند 24 اپریل کو پورے ملک میں دیکھا جا سکے گا، پاکستان میں 25اپریل کوپہلاروزہ ہوگا۔
فواد چوہدری کا کہنا تھا کہ رویت ہلال کمیٹی نے ذیقعداوررجب دونوں کی غلط تاریخ دیں، 5 مارچ کوپارلیمان کی مذہبی امورکی کمیٹیوں کوبریفنگ دیں گے ، عید اور اسلامی تہوارتقسیم نہیں اتحاد کا باعث بننےچاہئیں۔
انشااللہ رمضان المبارک کا چاند 24 اپریل کو پورے ملک میں دیکھا جا سکے گا اور25 اپریل کوپہلاروزہ ہو گا،روئت ھلال کمیٹی نے ذیعقداور رجب دونوں کی غلط تاریخ دیں 5 مارچ کو پارلیمان کی مذہبی امور کی کمیٹیوں کو بریفنگ دیں گے کہ عید اور اسلامی تہوار تقسیم نہیں اتحاد کا باعث بننے چاہئیں۔
— Ch Fawad Hussain (@fawadchaudhry) February 27, 2020
یاد رہے وزارت سائنس و ٹیکنالوجی نے قمری کیلنڈر تیار کیا تھا ، جس میں 2019 تا 2024 عید الفطر، عید الاضحی، رمضان المبارک اور دیگر اسلامی مہینوں کے چاند نظر آنے کی تاریخیں طے کی گئی تھیں۔
قمری کیلنڈر میں بتایا گیا تھا کہ 2020 میں یکم رمضان المبارک25 اپریل ، عید الفطر 24مئی اور عید الاضحی 31جولائی کو ہونے کا امکان ہے۔