The news is by your side.

Advertisement

حکومت نے رمضان پیکچ کے لئے تیاریاں شروع کردیں

اسلام آباد : رمضان کی آمد آمد ہے عوام کو سہولیات کی فراہمی یقینی بنانے کے لئے حکومت نے تیاریوں کا آغازکردیا، عوام کا تین ارب کا پیکج دییے جانے کا امکان ہے۔

تفصیلات کے مطابق وفاقی وزیر خزانہ سینیٹر اسحاق ڈار نے وزارت صنعت وپیداوار کو خصوصی رمضان پیکچ تیار کرنے کی ہدایات جاری کردیں، وزیر خرانہ کے مطابق رمضان پیکچ کی تفصیلات دس روز میں اقتصادی رابطہ کمیٹی کو پیش کی جائیں گی ۔

ماضی کی طرح اس سال بھی رمضان پیکچ یوٹیلٹی اسٹورز کے ذریعے دیا جائے گا۔ پیکچ کے تحت روزہ داروں کو اشیاء خوردونوش مارکیٹ کے نسبت سستی دستیاب ہوں گی اور ساتھ ہی ساتھ اس بات کو یقینی بنایا جائے گا کہ عوام کو رمضان کے مقدس مہینے میں کسی قسم کی پریشانی کا سامنا نہ کرنا پڑے۔

رواں مالی سال تین ارب روپے تک کا رمضان پیکچ دیئے جانے کا امکان ہے، حکومت کا کہنا ہے کہ ان کی جانب سے اشیا کی فراہمی کو وافر مقدار میں یقینی بنایا جائے گا۔

واضح رہے کہ گزشتہ سال بھی حکومت کی جانب سے دوارب روپے کے رمضان پیکچ کا اعلان کیاگیا تھا۔

Print Friendly, PDF & Email

Comments

comments

یہ بھی پڑھیں