site
stats
اہم ترین

ملک بھر میں‌آج متفقہ طور پر پہلا روزہ ہوگا

کراچی:رمضان المبارک چودہ سو سینتیس ھجری کا چاند نظر آگیا، پاکستان بھر میں متفقہ طور پر آج پہلا روزہ ہوگا، پہلی نماز تراویح ادا کردی گئی۔

ملک کے مختلف شہروں میں رمضان المبارک کا چاند نظر آنے کی شہادتیں موصول ہوئیں جس کے بعد رویت ہلال کمیٹی نے آج منگل کو پہلے روزے کا اعلان کیا ہے۔

رمضان المبارک کے چاند کا حتمی اعلان مرکزی رویت ہلال کمیٹی کے چیئرمین مفتی منیب الرحمان نے پریس کرتے ہوئے کیا۔ ان کا کہنا تھا کہ اسلام آباد، لاہور اور کراچی سمیت ملک کے مختلف شہروں میں واضح طور پر چاند دیکھا گیا، یکم رمضان المبارک 7 جون کو ہوگی، چاند دیکھنے کے بعد رویت ہلال کمیٹی کے چئیرمین مفتی منیب نے دعا کرائی۔

سعودی عرب اور خلیجی ممالک کے شہریوں نے پیر کو پہلا روزہ رکھا۔ امریکا، برطانیہ، کینیڈا، جاپان اور دیگر مغربی ممالک کے مسلمانوں نے بھی سعودی عرب کے ساتھ رمضان کریم کا آغاز کیا۔

پورے ملک میں آج پہلا روزہ ایک ساتھ رکھا جائے گا،مذہبی امور کے وزیر سردار یوسف کی مفتی پوپلزئی کو منانے کی کوشش کامیاب رہی ہیں۔

اس بار مذہبی امور کے وزیر سردار یوسف نے مفتی پوپلزئی سے مذاکرات کیے اور معاملات طے ہوگئے تھے،مرکزی رویت ہلال کمیٹی میں مسجد قاسم علی کا نمائندہ موجود تھا جہاں مسجد قاسم علی کی شہادتوں کابھی جائزہ لیا گیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top