The news is by your side.

Advertisement

’چائے کم پیئں‘ رمیزراجہ کا بورڈ کے اخراجات کم کرنے کا اعلان

لاہور : چیئرمین رمیز راجہ نے فوری طور پر پاکستان کرکٹ بورڈ کے اخراجات کم کرنے کی ہدایت جاری کردی۔

بورڈ کے اخراجات کم کرنے کا اعلان چیئرمین پاکستان کرکٹ بورڈ رمیز راجہ نے دو روز قبل عمران خان انکوژر میں ملازمین سے خطاب کرتے ہوئے کیا۔

انہوں نے کہا کہ جیسے بھی ممکن ہو ملازمین فوری طور پر بورڈ کے اخراجات کم کریں، اس موقع پر رمیز راجہ نے بتایا کہ عمران خان نے پرائم منسٹر ہاؤس کے اخراجات کیسے کم کیے؟

رمیز راجہ کے خطاب کے دوران ڈائریکٹرز سے لیکر لوئر اسٹاف اور گراؤنڈ اسٹاف تک تمام ملازمین موجود تھے۔

چیئرمین پی سی بی نے اپنے ملازمین کو حکم دیا کہ دفتر سے گھر جاتے ہوئے لائٹس بند کرکے جائیں اور دو کے بجائے ایک کپ چائے پیئں اور اے سی بھی کم استعمال کریں۔

ان کا کہنا تھا کہ پاکستان کرکٹ ٹیم کو دنیا کی نمبر ون ٹیم بنانا ہے اگر ٹیم نمبر ون نہ ہوئی تو ہم سب کے رہنے کا کوئی جواز نہیں۔

اپنے خطاب کے دوران رمیز راجہ نے بڑی تنخواہوں والے ملازمین کو بھی دبے الفاظ میں پیغام دیتے ہوئے کہا کہ ہمیں کام کرنا ہے اور اپنی موجودگی کا جواز بتانا ہے۔

چیئرمین بورڈ کا کہنا تھا کہ میرا فوکس صرف کرکٹ ہے ہمیں کرکٹ کو اوپر لے کر جانا ہے اور کرکٹ کی بہتری کےلیے کام کرنا ہے۔

Comments

یہ بھی پڑھیں